Sot ony 3,5 jylǵa bas bostandyǵynan aıyrdy
Qaraǵandy aýdandyq sotynda polıseılerden aqsha talap etken 28 jastaǵy er adam sottaldy. Bul týraly aýdandyq sottyń baspasóz qyzmeti málim etti, dep habarlaıdy Almaty-akshamy.kz.
Qylmystyq is materıaldarynda er adam óziniń seriktesimen birge polısıa qyzmetkerlerin vıdeoǵa túsirip, olardyń áreketterinen zańbuzýshylyq tapqysy kelgeni jazylǵan. Byltyr qazanda ol qala kósheleriniń birinde baǵdarshamnyń qyzyl sıgnalyna toqtamaı, júrip ketken patrúldik kólikti túsirip alǵan edi.
Tergeý málimetteri boıynsha, sottalýshy polısıa patrúlin ustap alyp, ózin bloger retinde tanystyryp, qorqyta bastaǵan. Únsizdigi úshin ol 150 myń teńge suraǵan. Parany alǵannan keıin ol sol kúni ustaldy. Sotta 28 jastaǵy qaraǵandylyq kinásin moıyndamady. Ol 2020 jyldan bastap bloger ekenin jáne polısıa qyzmetkerleriniń quqyq buzýshylyqtaryn tirkeý úshin ádeıi túsirilim júrgizgenin aıtty.
"Qazybek bı aýdandyq soty QR QK 194-baby 2-bóliginiń 2-tarmaǵy boıynsha sottalýshylardy kináli dep tanydy. Sot blogerdi 3,5 jylǵa bas bostandyǵynan aıyrdy. Onyń seriktesine 3,5 jylǵa bas bostandyǵyn shekteý jazasy taǵaıyndaldy. Sot úkimi zańdy kúshine engen joq", - dep habarlady Qaraǵandy oblysy Qazybek bı aýdandyq sotynyń baspasóz qyzmeti.