Bul týraly Májilistiń jalpy otyrysynda belgili boldy
QR Bas prokýrory Berik Asylov qańtar oqıǵasy boıynsha 3 770 qylmystyq is qozǵalǵanyn qańtar qasireti boıynsha tergeý barysy týraly depýtattardyń saýalyna bergen aýyzsha jaýabynda aıtty, dep habarlaıdy Almaty-akshamy.kz QazAqparatqa silteme jasap.
«Memleket basshysy quqyq qorǵaý jáne arnaýly organdarǵa qańtar oqıǵasy sebepterin egjeı-tegjeıli tergep, tekserýdi tapsyrdy. Atalǵan faktiler boıynsha barlyǵy 3770 qylmystyq is qozǵaldy. Basym bóligi İshki ister mınıstrliginiń óndirisinde. Olar: adam óltirý, urlyq, qaraqshylyq. buzaqylyq qarý urlaý», - dedi Bas prokýror.
Onyń málimeti boıynsha, sybaılas jemqorlyqqa qarsy qyzmet tergeýdiń zańsyz tásilderin qoldaý faktileri boıynsha 234 is júrgizýde.
«Ulttyq qaýipsizdik komıteti memleketke opasyzdyq jasaý, bılikti basyp alýǵa áreket etý jáne asa iri mólsherde para alý boıynsha 15 isti tergeýde. Bul ister boıynsha Ulttyq qaýpisizdik komıtetiniń burynǵy tóraǵasy Másimov jáne onyń úsh orynbasary sot sanksıasymen qamaýǵa alyndy. Osy, organnyń taǵy 2 basshysy bılikti asyra paıdalaný kúdigimen qylmystyq jaýapqa tartylýda», - dedi Berik Asylov.