Naýryzbaı aýdanynyń kásipkerleri irgeles aýmaqtardy sanıtarlyq maqsatta tazartyp, ǵımarattardyń qasbetin qalpyna keltirdi, ruqsat etilmegen jarnamalardy joıyp, abattandyrý elementterin retke keltirdi.
Naýqan bastalǵaly beri 5 nysannyń qasbeti aýystyrylyp, jańartyldy, sondaı-aq 20 nysannyń qorshaýy jóndelip, boıaldy, dep habarlaıdy almaty-akshamy.kz.
Sonymen qatar, 2 nysanda irgeles aýmaqtyń kespetastary aýystyryldy.
Demalys kúnderi kásipkerlerdiń arqasynda 40-tan astam nysannyń irgeles aýmaǵy sanıtarlyq tazalaýdan ótti.
Atalǵan naýqan aıasyndaǵy jumystardy Swissotel Wellness Resort Alatau, Aláns, Top cleaning service, bazarlar, avtobýs parkteri jáne basqa da kásiporyndar jalǵastyrady.
Sonymen birge, kásipkerler barlyq almatylyqty tazalyqy saqtaýǵa shaqyrady.
«Qalamyz turǵyndar men qonaqtar úshin taza jáne tartymdy etip saqtaıyqshy. Árqaısymyz aımaqta, aýlamyzdyń, uıymymyzdyń jáne olarǵa irgeles jerlerdiń aýmaǵymyzdy retke keltirip, tazalyq ornatýǵa úles qosa alamyz. Tazalyqty saqtaı otyryp, biz ár adamnyń ómiri men demalysy úshin salaýatty ári qolaıly jaǵdaı jasaımyz», - dedi «Aqjol» kesheniniń ıesi Vladımır Marchenko.
Esterińizge sala keteıik, 8 sáýirde «Almaty – bizdiń ortaq úıimiz» naýqany bastaldy. Árbir turǵyn qalany damytý men kórkeıtýge úles qosa alady.
Tolyq aqparat almaty.kz saıty men Almaty ákimdiginiń áleýmettik jelilerindegi paraqshalarynda jarıalanady. Sondaı-aq, qaladaǵy banner, plakat jáne afıshalardaǵy arnaıy QR-kod arqyly veb-saıtqa kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.