«Qaırat» syrt alańda jeńiske jetti
ÝEFA Konferensıa Lıgasynyń kezekti kezeńinde almatylyq «Qaırat» Lúksembýrgtiń «Folasyn» utty, dep habarlaıdy Almaty-akshamy.kz.
Alǵashqy machty 4:1 esebimen utqan aıaqdopshylarymyzdyń endi toptyq kezeńge ótýge múmkindigi bar.
Alǵashqy goldy kezdesýdiń 15-mınýtynda qarsylas komandadan Mırza Mýstafıch soǵyp, esep ashqan. Kóp uzamaı, "Qaırat" klýbynyń shabýylshysy Artýr Shýshenachev esepti teńestirdi. Oıynnyń 37-mınýtynda jerles komanda sapyndaǵy Vagner Lav «Fola» qaqpasyna taǵy bir goldy darytty. Kezdesýdiń birinshi taımy 1:3 esebimen jerlestirimizdiń basymdyǵymen aıaqtaldy.
Machtyń ekinshi taımy da tartysty ótti. Oıyn barysynda birtindep qarqyn alǵan qaırattyqtar esep aıyrmasyn údete tústi. «Qaırattyń» bul kezdesýdegi tórtinshi golyn penaltıden Vagner Lav soqty.
Osylaısha, «Qaırat» evrokýboktiń toptyq kezeńine senimdi qadam jasady. Endi jerlesterimiz óz alańynda «Folalyqtarmen» 26 tamyz kúni Almaty qalasynyń «Ortalyq» stadıonynda kezdesedi. Oıynnyń bastalýy: 20.00.