Adam bolsań, adal bol,
Jigit bolsań, jaısań bol!
***
Er-azamat Eli úshin týady,
Eli úshin óledi.
***
Azamattyń asyly –
Arystannyń násili.
***
Jigittiń eki aıtqany – bir ólgeni.
***
Er jigit ne úıinde, ne úıirinde.
***
Arystan izinen,
Azamat sózinen jańylmaıdy.
***
Túk shyqpaǵan adamnan bári shyǵady.
***
Kemeńgerdiń qudireti kishipeıildiliginde.
***
Úlkendiktiń basty belgisi – kishilik.
***
Súrinbeıtin júırik joq,
Jańylmaıtyn jigit joq.
***
Úmit qansha jasasa,
Adam sonsha jasaıdy.
***
Eń bastysy umytpa:
Ómir barda – úmit bar.
***
Adam aıaǵynan tozady,
Qulaǵynan azady.
***
Salıqaly aqyl saqaldan,
Biraq saqaldyń aıtqany bola bermeıdi.
***
Aqyl saqaldy syılaıdy,
Biraq sıynbaıdy.
***
Saqal qymbat,
Biraq Bas úshin ol da qurban.
***
Perishte pendeni túzeı almaıdy,
Pende perishteni buza alady.
***
Pende – kemshilikten kende bolmaıdy.
***
Óz baǵasyn ózi jaqsy biletin adam
Saýdalaspaı-aq saryla salady.
***
Aǵash tamyrsyz,
Adam Táńirsiz bolmaıdy.
***
Jetesiz aqyly
Adam da maqulyq.
***
Altyn bolyp ne kerek?
Altynǵa bola buzylyp ne kerek?
Adamǵa adam bolý jetpeı me?!
***
Adamnyń jany ishinde,
Janary syrtynda.
***
Adamzat opat bolsa,
Artynda tek aqymaqtar ǵana qalady.
***
Adamdarmen aralaspasań kún kóre almaısyń,
Aralassań, kún kórsetpeıdi.
***
Adamzattyń júz usaq pendeligin
Jasaǵan bir jaqsylyǵy shaıyp ketedi.
***
Jaqsy adamnan sharapat,
Jamannan jaraqat.
***
Adam bolamyn degen azamat
Adam bolmaı tynbaıdy.
***
Adam qyzyq:
Bireý eminip turady,
Bireý tebinip turady.
***
Bir adamnyń adam bolǵanyn
Ekinshi adam qalap jarytpaıdy.
***
Adamnyń eń tynysh kezi
Qursaqta jatqan kezi shyǵar.
***
Taǵdyr maǵan yrjıyp qarady dep qatelespe,
Ol onyń saǵan azýyn kórsetkeni.
***
Eger adam úndemese,
Ol onyń qupıa jasaǵany emes,
Janyn saqtaǵany.
***
Ádette adam ózine ózi unamaıdy.
Sondyqtan únemi ózge rólde oınap júredi.
***
Ózin ózi taba almaǵan adam
Joǵaltyp ta jarytpaıdy.
***
Adamnyń aldyńǵy eki aıaǵy qolǵa aınalǵan.
Ol ne úshin kerek?
***
Adamdardyń kópshiligi birin-biri jek kóredi,
Óıtkeni birin-biri óte jaqsy biledi.
***
Jaqsy adam janashyr keledi.
***
Nıeti túzý adamnyń joly da túzý bolady.
***
Bir qaptanbyz,
Bir saptanbyz,
Qasıetti qursaqtanbyz –
El degen úı ustaımyz,
Biraq ta syıyspaımyz.
***
Eshqashanda adamǵa teris qarama,
Óıtkeni betińdi ári bursań,
Kótiń beri burylady.
***
Altynnyń sońyna túsken adamnyń quny
Alty-aq tıyn!
***
Adamgershilik alǵa súıreıdi,
Pendeshilik keıin tartady.
***
Adam degen
Qyryq qabat quramy
Pendelikten turady.
***
Ómir turǵan órt:
Órtenesiń, kúıinesiń!
***
Baısyń, kedeısiń.
Báribir salyq tóleısiń.
***
Adam baqytyn qýyp jete almaıdy,
Qasiret-qaıǵy qyr-sońyńnan qalmaıdy.
***
Sypaıylyqty saqtaısyń,
Sonda da jurtqa jaqpaısyń.
***
Adamnyń jaýy – adam.
***
Sen adamdy túsinbeısiń tabanda.
Perishte emes,
Saıtan jaqsy odan da.
***
Qyp-qyzyl bop ot janady kózinde,
Kim-kimniń de jyny ustaǵan kezinde.
***
Kómeıden bári ótedi, bári ótedi,
Adamnyń túbine yndyn jetedi.
***
Túrli-túrli tilekpen
Pendelerdiń kúni ótken.
Jaqsylyǵy jaryq ta,
Jamandyǵy – túnekten.
***
Adamdy kórgende baýyrym eken dep qalasyń.
***
Altyndy asa jaqsy kóretin adam
Adamdy jaqsy kóre almaıdy.
***
Adal jáne aram,
Ekeýi de adam.
Jaqsy jáne jaman,
Taǵy da sol adam.
***
Aryn tókken adam – bárin tókken adam.
***
Ardager bolmaı da adam bola alasyń.
Alaıda adam bola almasań,
Ardager bola almaısyń.
***
Batyr da adam,
Paqyr da adam.
***
Ómir baqı qysylyp,
Ómir súredi kisilik.
***
Úılengen adamnyń ómiri qysqarmaǵanmen,
Ómirbaıany qysqarady.
***
Adamnyń baǵasy abyroıynda.
***
Adamnyń ómiri qıyn bolǵan saıyn
Ómirbaıany baı bolady.
***
Adamnyń alǵashqy ustazy – haıýandar.
***
Adam degende aýzyń talady,
Óıtkeni ol saıası-qoǵamdyq maqulyq.
***
Adamnyń azýy sumdyq ótkir,
Kómeıi odan da qaýipti.
***
Adamnyń basqa haıýandardan aıyrmashylyǵy ne?
Ol jylaıdy jáne basqalardy jylata biledi.
***
Adamnyń tamyry
Tamuqtan nár alady.
***
Adamzattyń quramynda qansha adam bar?
Menińshe, onsha kóp te emes.
***
Mendeleev kestesinen tabylmaǵan element qansha?
Adam boıyndaǵy beımálim qasıetter odan da kóp!
***
Adamnyń bitirgen sharýasy – Adamnyń baǵasy.
***
Adam dese keıde,
Kókke jeter tóbeń.
Adam biraq keıde,
Aıýannan da tómen.
***
Laı sýǵa úńilip keıde birdeńe kórýge bolady.
Adamnyń ishinde ne bolyp jatqanyn
bile almaısyń.
***
Adam óziniń kim ekenin jaqsy bilmeıdi.
Bilse, júregi aınyr edi.
***
Adamnyń kúsh-qýaty haıýandyǵynda.
Osaldyǵy, ókinishine oraı, adamdyǵynda.
***
Adamnyń bir ókpesi aq,
Bir ókpesi qara.
***
Adam – jarty Qudaı,
Jarty pende.
***
Oqyǵan-oqymaǵan adamnan
Qara tanymaıtyn qasqyr artyq.
***
Adam – plasılın.
Qoǵam odan ne isteımin dese, sony isteıdi.
***
Bálenbaı ǵasyr, bálenbaı dáýirdi
Bastan keshken adamzattyń bar bolǵany osy.
Endi ol buzyla túspese, túzelmeıdi.
***
Adamǵa baılyq kerek.
Biraq ol baıyp bolǵansha,
Adamdyq ǵaıyp bolady.
***
Adamnyń satylǵan kúni –
Onyń atylǵan kúni.
***
Haıýan haıýan bop týyp,
Haıýan bop óledi.
Adam perishte bop týady,
Nege perishte bop ólmeıdi?!
***
Adam bolsań óziń úshin,
Tap sodan áýlıe bolyp jatqan jandy kórmedim.