Prezıdenttiń Almatydaǵy burynǵy rezıdensıasynyń ornynda jańa saıabaq ashyldy. Ázirge resmı tanystyrylmasa da, Nú-Iorktegi Ortalyq parkten kem túspeıtin saıabaq búginde qaladaǵy kórikti orynǵa aınalyp úlgerdi. Rezıdensıanyń aýmaǵy qalaı ózgerdi? Tolyǵyraq Aqshamnews.kz materıalynda.
Jańa saıabaqtyń aýmaǵy - 4 gektardan asady. Ol Nazarbaev dańǵylynyń batysynda jáne Gandı kóshesiniń soltústiginde ornalasqan.
Buryn aýmaqty qorshap turǵan qorshaýlardyń bir bóligi alynǵan.
Munda túrli ósimdikter otyrǵyzylǵan: 95 qylqanjapyraqty jáne 228 japyraqty aǵash, qosymsha 469 qylqanjapyraqty jáne 384 japyraqty buta.
Jaıaý jáne júgirý joldary tóselgen, avtosýarý jáne jaryqtandyrý júıeleri ornatylǵan.
Tipti demalyp otyratyn oryndyqtar da erekshe úlgide jasalǵan.
Saıabaq qalanyń ortasynda ornalasqan soń, tek demalysta emes, jumys kúnderinde de, tipti túste de adam kóp.
Munda otbasymen kelip, demalyp júrgender kóp.
Eske salaıyq, 2022 jylǵy 5 qańtarda bir top adam ǵımaratty qıratyp edi, tipti munda kólik órtendi.
Keıin Qasym-Jomart Toqaevtyń sheshimimen rezıdensıa súrilip, onyń ornyna qala turǵyndary úshin ashyq saıabaq salý uıǵaryldy.
Ǵımarat tarıhy
Ǵımarat tarıhy 1979 jyldan bastalady, sol kezde Qazaqstan Kompartıasy OK-niń birinshi hatshysy Dinmuhamed Qonaev Almatyda Lenın atyndaǵy mýzeıdi salýdy tapsyrdy. Osylaısha ǵımarat bastapqyda mýzeı kesheni retinde jobalanǵan. Qurylys 1983 jyly bastaldy. Alaıda 1986 jylǵy jeltoqsan oqıǵalaryna baılanysty jumys toqtap qaldy da, 1993 jylǵa deıin nysan aıaqtalmaı turdy. Sol kezde qurylys 90 paıyzǵa oryndalǵan edi.
Táýelsizdik alǵannan keıin joba qaıta jandanyp, jańa maqsatqa ıe boldy. Ol el Prezıdentiniń rezıdensıasyna aınalýǵa tıis edi.