Prezıdent «Strategıa» áleýmettik jáne saıası zertteýler ortalyǵy» qoǵamdyq qorynyń basshysy Gúlmıra Ileýovany qabyldady, dep habarlaıdy almaty-akshamy.kz.
Ulttyq quryltaı múshesi, áleýmettanýshy Gúlmıra Ileýovamen kezdesý barysynda qoǵamdaǵy ózekti máseleler talqylandy.
Kezdesýde Ulttyq quryltaıdyń úshinshi otyrysynda kóterilgen máseleler qarastyryldy. Atap aıtqanda, jastar arasynda qundylyqtardy nasıhattaý, sonyń ishinde eńbeksúıgishtik, tehnıkalyq mamandyqtardy dáripteý týraly aıtyldy. Sonymen qatar Qazaqstandy órkendetýge úles qosatyn ulttyq býrjýazıany qalyptastyrýdyń ózektiligine, ulttyń básekege qabiletin arttyrý úshin bilim kúltin nyǵaıtýǵa, ınovasıalyq oılaý júıesin damytýǵa, «Quqyqtyq tártip», «Áleýmettik ádilettilik» qaǵıdattaryna basymdyq beriletin qoǵamdyq qatynastardy ilgeriletýge nazar aýdaryldy.
Gúlmıra Ileýova qoǵamda keńinen talqylanyp jatqan memlekettik rámizderge qatysty pikirin bildirip, Eltańbaǵa jáne memlekettik organdar men úkimettik emes uıymdardyń qarym-qatynasyna baılanysty usynystaryn jetkizdi.