Memleket basshysy Soltústik Qazaqstan oblysyna jumys sapary aıasynda «RımQazAgro» JSHS-niń qaǵaz ónimderin shyǵaratyn fabrıkanyń jumysymen tanysty.
Óndiris ornyn aralap kórgen Qasym-Jomart Toqaevqa fabrıka jumysynyń alǵashqy nátıjesi týraly baıandaldy. «Qarapaıym zattar ekonomıkasy» baǵdarlamasy aıasynda jobany sýbsıdıalaýǵa qarjy bólingen, dep habarlaıdy Almaty-akshamy.kz Aqordanyń resmı saıtyna silteme jasap.
Aıta ketsek, qaǵaz ónimderi fabrıkasy – kópsalaly «Radýga» kompanıasyna qarasty kásiporyndardyń biri ǵana. Qazirgi kezde óńir halqyn jyl on eki aı kókónis ónimderimen qamtamasyz etý úshin jylyjaı qurylysy júrip jatyr.
Prezıdent elimizde «qarapaıym zattar ekonomıkasyn» damytýǵa jáne halyq tutynatyn taýarlar túrlerin keńeıtýge erekshe mán beriletinin atap ótip, kásiporyn basshylyǵyna sáttilik tiledi.