Marat Áshim Prezıdenttiń keńesshisi bolyp taǵaıyndaldy, - dep habarlaıdy Aqshamnews.kz tilshisi.
"Memleket basshysynyń ókimimen Marat Kenjeǵalıuly Áshim Qazaqstan Respýblıkasy Prezıdentiniń keńesshisi – Prezıdent Protokoly qyzmetiniń bastyǵy laýazymyna taǵaıyndaldy", - delingen habarlamada.
Marat Áshim týraly ne belgili?
1987 jyly Almaty qalasynda týǵan.
2008 jyly Abaı atyndaǵy Qazaq ulttyq pedagogıkalyq ýnıversıtetinde halyqaralyq qatynastar mamandyǵy boıynsha, 2010 jyly ekonomıka jáne bıznes mamandyǵy boıynsha bilim alyp, bakalavr dárejelerin alǵan.
2010 jyly halyqaralyq qatynastar magıstri mamandyǵy boıynsha QR Prezıdentiniń janyndaǵy Memlekettik basqarý akademıasynyń Dıplomatıa ınstıtýtyn támamdaǵan.
2008-2009 jyldary jeke kompanıada zańger bolyp qyzmet atqarǵan.
2009 jyly QR Syrtqy ister mınıstrligi ákimshilik jáne baqylaý departamentiniń attashesi bolyp jumys istedi.
2010-2012 jyldary – QR Syrtqy ister mınıstrliginiń Memlekettik protokol qyzmetiniń úshinshi hatshysy.
2012-2017 jyldary – Qazaqstan Respýblıkasy Prezıdentiniń Protokol qyzmetiniń referenti, sarapshysy, konsýltanty, ınspektory.
2017-2018 jyldary Qazaqstan Respýblıkasy Prezıdentiniń Protokol qyzmetiniń sektor meńgerýshisi.
2018 jyldyń sáýir aıynan bastap Qazaqstan Respýblıkasy Prezıdentiniń Protokol qyzmeti bastyǵynyń orynbasary bolyp eńbek etti.
2023 jyldyń 15 naýryzynda Memleket basshysynyń ókimimen Qazaqstan Respýblıkasy Prezıdentiniń Protokol qyzmetiniń bastyǵy bolyp taǵaıyndaldy.
II synypty Tótenshe jáne Ókiletti Ýákil dıplomatıalyq dárejesi bar.
"Qurmet" ordenimen, "Eren eńbegi úshin" medalimen jáne basqa da mereıtoılyq medaldarymen marapattalǵan.