Qazaqstandyqtarǵa poshta qūpıyasózderín shūǵyl auystyru eskertíldí.
Google derekteríníń jaıyluy turaly Bas prokuratura qazaqstandyqtarǵa eskertu jasady, - dep habarlaıdy Aqshamnews.kz.
Mamandar Gmail paıdalanushylarynyń derekteríníń taraluyna ákelgen Google derekter bazasynyń būzyluyna baılanysty kıberqauíp anyqtalǵanyn habarlady.
Ūıymdastyrushy – ShinyHunters atty top baılanys derekteríne jáne kompanıyalardyń ataularyna qol jetkízgen. Auqymy – 2,5 mıllıardqa deıíngí Gmail akkaunty. Degenmen, qūpıyasózderdíń ózí ūrlanǵan joq.
Hakerlík shabuyl áleumettík ınjenerıya ádísímen jasalǵan: qaskóıler Google qyzmetkeríne IT-qoldau qyzmetínenbíz dep habarlasyp, ony Salesforce Data Loader atty zıyandy qosymshany íske qosuǵa májbúrlegen.
Būl derekterdíń taraluy alayaqtarǵa Google atynan fıshıngtík jáne telefon arqyly shabuyl jasauǵa múmkíndík beredí. Keıbír qoldanushylar kod 650-men bastalatyn nómírlerden kelgen qońyraulardy alǵanyn habarlaǵan. Onda Gmail qūpıyasózín qalpyna keltírudí talap etíp, kodtar men qūpıyasózderdí aldap alu kózdelgen.
Qauípsízdík úshín ūsynystar:
1. Qūpıyasózderdí shūǵyl auystyru, ásírese qarapaıym ne qaıtalanatyndaryn.
2. Qosfaktorly autentıfıkatsıyany qosu nemese bıometrıya/PIN arqyly zamanauı qorǵaudy paıdalanu.
3. Google-den kelgendeı bolyp kórínetín qońyraularǵa ne hattarǵa senbeu – ondaılardyń10-nan 9-y jalǵan.
4. Qosymshalar men qosylǵan qūrylǵylarǵa qoljetímdílíktí shekteu, baqylau.