QR Prezıdenti Qasym-Jomart Toqaev bıznes qoǵamdastyqty jańa ekonomıkalyq saıasat qalyptastyrýda birlesken jumys bastaýǵa shaqyrdy, dep habarlaıdy Almaty-akshamy.kz QazAqparatqa silteme jasap.
«Paraqty aýdaryp, jańa Qazaqstannyń negizine aınalýy tıisti jańa ekonomıkalyq saıasat qalyptastyrýda birlesken jumys bastaý qajet», - dep atap ótti Memleket basshysy elimizdiń iri bıznes ókilderimen kezdesýi barysynda.
QR Prezıdent jańa ekonomıkalyq saıasattyń negizgi prınsıpteri adal básekelestik, qabyldanǵan sheshimderdiń ashyqtyǵy, memlekettik saıasattyń boljamdylyǵy, bıznestiń salyqtyq adaldyǵy, kásipkerlerdiń áleýmettik jaýapkershiligi ekendigin basa aıtty.
«Áleýmettik-ekonomıkalyq reformalardy tabysty júzege asyrýǵa dál osy iri bıznes, bizdiń býrjýazıa múddeli ekendigine túbegeıli senimdimin. Sondyqtan da eldiń dál osy bıznes elıtasynyń joǵaltyp alary bar. Biraq, sonymen qatar óz isin odan ary keńeıtý úshin de jaqsy múmkindikter bar», - dep atap ótti Qasym-Jomart Toqaev.