Toqaev bala quqyǵyn qorǵaý memlekettik saıasattyń negizgi basymdyqtarynyń biri ekenin atap ótti.
Memleket basshysy Bala quqyqtary jónindegi ýákil Dınara Zákıevany qabyldady, dep habarlaıdy Almaty-akshamy.kz
Memleket basshysy Túrkistanda ótken Ulttyq quryltaıda bala quqyǵyn qorǵaýǵa jáne óskeleń urpaq tárbıesine qatysty birneshe mańyzdy másele kótergenin eske salyp, otbasylarǵa jan-jaqty kómek kórsetetin júıeni qalyptastyryp, otbasyn qoldaý ortalyqtaryn ashý, áleýmettik qoldaýdy kúsheıtý, zańǵa balalardyń qaýipsizdigi úshin jaýapkershilikti qatańdatatyn ózgerister engizý mańyzdy ekenin aıtty.
Sonymen qatar Prezıdent balalar arasynda zorlyq-zombylyq jáne býllıng faktileri áli de azaımaı turǵanyn atap ótip, ata-analarmen, qoǵamdyq uıymdarmen, múddeli memlekettik qurylymdarmen ózara tyǵyz jumys isteý mańyzdy ekenine nazar aýdardy.
Kezdesý sońynda Prezıdent balalar ombýdsmeniniń óz mindetin tıisti deńgeıde atqarýy úshin memleket tarapynan qoldaý kórsetiletinin aıtyp, balalardyń quqyǵyn qorǵaý isinde jergilikti atqarýshy organdarmen tyǵyz qarym-qatynas ornatý jóninde tapsyrma berdi.