Bul týraly Memleket basshysy Qasym-Jomart Toqaev Úkimettiń keńeıtilgen otyrysynda málim etti, dep habarlaıdy Almaty-akshamy.kz Ulysmedia.kz-ke silteme jasap.
«Árbir aımaqtyń óz ereksheligi jáne «álsiz tustary» bar. Ókinishke qaraı, ákimder sony bile tura, aldaǵy qıyndyqtardy ýaqtyly baǵamdaı almaıdy. Jaýapkershilikti ózine alyp, der kezinde sheshim qabyldaýdan qashady.
Jańa jyldan beri Prezıdent Ákimshiliginiń qoǵamdyq qabyldaýynda 811 adam boldy. Sonyń 730-yn kesteden tys, ıaǵnı taban astynda jedel túrde qabyldaýǵa týra keldi. Olardyń arasynda barlyq aımaqtyń turǵyndary bar. Prezıdenttiń atyna jazylǵan aryz-shaǵymdardyń sany úsh jylda eki ese ósti», – dedi Toqaev.
Memleket basshysynyń sózinshe, memlekettik qyzmetshilerdiń, basshylardyń óz jumysyna selqos qaraıtyny, jaýapkershilik alýdan tartynatyny, ásirese, búdjet qarjysyn ıgerý isinde qatty baıqalady.
«Olar jumysty sapaly oryndaýǵa emes, tapsyrmany der kezinde baqylaýdan alýǵa basa mán beredi. Sonyń zardabyn bárimiz tartyp otyrmyz. Jarıa etilgen kóptegen reforma áli de baıaý júrip jatyr. Ony moıyndaýymyz kerek. Sondyqtan Úkimet eski jumys tásilin túbirimen joıý úshin erik-jiger tanytýǵa tıis», – dedi Prezıdent.