Bıletti kasadan satyp alǵan adam tek sol jerden keri ótkize alady.
Eger belgili sebeptermen reıs toqtatylsa, bılet quny 100% qaıtarylady, dep habarlaıdy Almaty-akshamy.kz
24 saǵattyń ishinde qaıtarylǵan bılettiń quny da tolyq beriledi. Al budan az ýaqytta nemese poıyz jóneltilgenge deıingi alty saǵattan keshiktirmeı qaıtaryp úlgergen jaǵdaıda bılet baǵasy men plaskarttyń 50 paıyz aqshasyn qaıtaryp ala alasyz.
Qala mańynda qatynaıtyn poıyzdyń bıletin ótkizip, aqshany qaıtarýǵa bolady. Bıletti poıyz jóneltilgenge deıin 24 saǵat ishinde qaıtarǵan jaǵdaıda jolaýshyǵa tolyq jolaqy beriledi, al 24 saǵattan az ýaqyt ishinde, biraq poıyz jóneltilgennen keıin bir saǵattan keshiktirilmegen jaǵdaıda jol júrý qunynyń 70 paıyzy qaıtarylady.
Bıletti kasadan satyp alǵan adam tek sol jerden keri ótkize alady. Ol úshin jolaýshy ózimen birge jol júrý qujatyn, jeke kýálin ala kelýi kerek. Al elektrondyq bıletter bılet satyp alynǵan saıttaǵy tutynýshynyń jeke kabıneti arqyly qaıtarylady.
Qazaqstandyqtar poıyz bıleti men jol júrý aqysyn qaıtarý úshin +7 (707) 270-36-64 telefon nómiri boıynsha WhatsApp messendjeri arqyly ótinish bere alady. Bul nómirde ótinishter qabyldanyp, jedel óńdeýge kómektesedi.