Respýblıka boıynsha tirkelgen jumyssyzdyq deńgeıi 2,4%-ǵa teń.
Qazaqstanda jumyspen qamtýdyń ıkemdi túrleri qarqyn alýda, azamattar óz bıznesterin belsendi damytyp jatyr, dep habarlaıdy Almaty-akshamy.kz.
Mamandardyń aıtýynsha, 2020 jyldyń uqsas kezeńimen salystyrǵanda, ózin-ózi jumyspen qamtyǵandardyń sany 2,9%-ǵa ósken, al jaldamaly qyzmetkerler sany 0,6%-ǵa ulǵaıǵan.
«Osyndaı jaǵdaıdy jumyspen qamtylǵan halyqtyń serpininen de baıqaýǵa bolady, olardyń sany bir jylda 101,3 myń adamǵa (+1,2%) 8 805 myń adamǵa deıin ósti. Sonymen qatar, jumyspen qamtylǵandardyń qurylymynda jaldamaly eńbekke qaraǵanda ózin-ózi jumyspen qamtýdyń aıtarlyqtaı ósýi baıqalady. Aǵymdaǵy jyldyń 2-toqsanynda ózin-ózi jumyspen qamtyǵandardyń sany 2020 jyldyń uqsas kezeńimen salystyrǵanda 2,9%-ǵa nemese 60,2 myń adamǵa artty, al jaldamaly jumyskerlerdiń sany 0,6%-ǵa nemese 41,1 myń adamǵa ulǵaıdy», – delingen Eńbek jáne halyqty áleýmettik qorǵaý mınıstrliginiń habarlamasynda.
Bul rette ózin-ózi jumyspen qamtý qurylymyn taldaý aǵymdaǵy jyldyń 2-toqsanynda nátıjeli jumyspen qamtýdyń esebinen onyń ulǵaıǵanyn jáne nátıjesiz jumyspen qamtýdyń aıtarlyqtaı qysqarǵanyn kórsetedi.
Óz kezeginde absolúttik mánde bir jyl ishinde ózin-ózi nátıjesiz jumyspen qamtyǵandardyń sany úshten birine nemese 92,9 myń adamǵa tómendep, 156 myń adamdy qurady. Al ózin-ózi jumyspen qamtyǵandardyń jalpy sanyndaǵy nátıjesiz jumyspen qamtý úlesi bir jylda 4,8 p.t. (12,2%-dan 7,4%-ǵa deıin) qysqardy.
«Ózin-ózi jumyspen qamtýdyń ósip kele jatqan trendimen qatar jaldamaly qyzmetkerlerdiń qurylymdyq quramy da ózgerýde, onda jaldamaly eńbek sıpattamalarynyń korporatıvtik jumyspen qamtýdan aýytqý jaǵyna qaraı ózgerý úrdisi baıqalady. Bul, ásirese, jyldyq dınamıkada baıqalady. Mysaly, ótken jyldyń uqsas kezeńimen salystyrǵanda uıymdardaǵy jaldamaly jumyspen qamtý (barlyq jaldamaly eńbektiń 87%-y) 0,4% - ǵa (-23,4 myń adam) qysqardy, bul rette azamattyq-quqyqtyq sıpattaǵy shart negizinde jaldaý aıtarlyqtaı ulǵaıdy (+60,1%). Qazir kelisimshart boıynsha 56,9 myń adam jumyspen qamtylǵan.», – dep atap ótti QR Eńbekmıni Eńbek resýrstaryn damytý ortalyǵynyń Strategıa jáne jobalyq basqarý departamentiniń dırektory Aleksandra Molchanovskaıa.
Ótken toqsanmen salystyrǵanda, qashyqtyqtan jumys isteıtinderdiń sany 75,2 myń adamǵa deıin 2%-ǵa artty. Aldyńǵy kezeń sıaqty, qashyqtyqtan jumys jasaıtyn jumyskerlerdiń kópshiligi áıelder (65%) jáne qala turǵyndary (64%) bolyp tabylady, alaıda úlestik bólinis ózgerý tendensıasyn kórsetedi, onda er adamdar 5%-ǵa, al aýyl turǵyndary 6%-ǵa kóp boldy.