Eńbek jáne halyqty áleýmettik qorǵaý birinshi vıse-mınıstri Aqmádı Sarbasov «Otbasynyń sıfrlyq kartasy» jobasynyń iske asyrylýy týraly aıtty, dep habarlaıdy Almaty-akshamy.kz Inform.kz-ke silteme jasap.
Onyń málimetinshe, bul qural áleýmettik qaýip-qater aımaǵyndaǵy otbasylardy jedel anyqtaýǵa jáne olarǵa qajetti qoldaý sharalaryn kórsetýge múmkindik beredi.
«Júıe memlekettik organdar men uıymdardyń aqparattyq júıelerinen derekterdi jınaıdy, sonyń negizinde tabys, densaýlyq, bilim, turǵyn úı jáne áleýmettik jaǵdaılar sıaqty belgilengen krıterııler boıynsha otbasynyń ál-aýqatyn baǵalaıdy. Bul otbasylardyń qajettilikterin avtomatty túrde anyqtaýǵa jáne olarǵa tıisti áleýmettik qoldaý kórsetýge múmkindik beredi», – dedi ol.
Birinshi vıse-mınıstr atalǵan bastamalar negizgi strategıalyq qujattarda kórinis tabatynyn jáne halyqtyń tabysyn arttyrýdyń 2025 jylǵa deıingi baǵdarlamasynda, kásipkerlikti damytýdyń 2021-2025 jyldarǵa arnalǵan ulttyq jobasynda, ázirlenip jatqan «Kásiptik biliktilik týraly» zańda jáne Áleýmettik kodekste zańnamalyq deńgeıde bekitiletinin atap ótti.