Bul týraly qala basshysy Erbolat Dosaev málimdedi, dep habarlaıdy Almaty-akshamy.kz.
Maýsym aıynda ınjenerlik jelilerdi modernızasıalaý boıynsha 2 iri jobany bastaýdy josparlanyp otyr.
Birinshisi – “Kemel shaǵynaýdanynda uzyndyǵy 75,6 shaqyrym 33 kóshede sýmen qamtý (79,5 km) jáne sý burý jelilerin salý.
Ekinshisi – aýdannyń 68 kóshesinde 25,6 shaqyrym sýmen qamtý jelilerin rekonstrýksıalaý jáne 72 shaqyrym sý burý jelilerin salý.
Búgingi tańda merdiger uıymdar anyqtaldy. Qurylys-montajdaý jumystary maýsym aıynda bastalyp, 2024 jyldyń II toqsanynda aıaqtalady. Bul jobalar aýdannyń 10 myńnan astam abonentin sapaly sýmen jáne kanalızasıamen qamtamasyz etýge múmkindik beredi.
Kóshe jaryǵyn modernızasıalaý sheńberinde bıyl uzyndyǵy 11 shaqyrym bolatyn, jartylaı jaryq ornatylǵan 101 kóshede jumys júrgizý josparlanýda. Uzyndyǵy 52 shaqyrym bolatyn taǵy 42 kóshege jobalaý-smetalyq qujattama ázirlenedi.