Jaýapty tulǵalar tártiptik jaýapqa tartyldy
Ómir boıyna kólik júrgizý quqyǵynan aıyrylǵan atyraýlyq kýálikti qaıta alǵan, dep habarlaıdy Almaty-akshamy.kz QazAqparat-qa silteme jasap.
Atyraý qalalyq prokýrory Arshat Taıtýllınniń aıtýynsha, ýákiletti organnyń kólik basqarý kýálikterin berý zańdylyǵyna taldaý júrgizilgen. Taldaý kezinde jolda quqyq buzýshylyqtyń aldyn alý jáne azamattardyń qaýipsizdigin qamtamasyz etý baǵyty kózdelgen. Nátıjesinde sot úkimimen kólik basqarý quqyǵynan ómir boıyna aıyrylǵan tulǵalarǵa júrgizýshi kýáligin qaıtadan berý deregi anyqtalyp otyr. Osyǵan baılanysty prokýrorlyq qadaǵalaý aktisi negizinde jaýapty tulǵalar tártiptik jaýapqa tartyldy.
«Sot úkimimen Atyraý qalasynyń turǵyny kólik júrgizý quqyǵynan ómir boıyna aıyrylǵan. Alaıda, onyń Almaty qalasynyń ákimshilik polısıa basqarmasy arqyly kólik basqarý kýáligin zańsyz alǵany anyqtaldy. Osy derekke qatysty jınaqtalǵan materıaldar is júrgizý sheshimin qabyldaý úshin Almaty qalasynyń Sybaılas jemqorlyqqa qarsy qyzmetine joldandy», -deıdi Atyraý qalasynyń prokýrory Arshat Taıtýllın.