Ózbekstan murajaıynda 100-den astam jalǵan eksponat anyqtaldy
Hıýa qalasyndaǵy «Ichan-Qala» memlekettik qoryq-murajaıynda 100-den astam jalǵan eksponat anyqtaldy. Bul týraly Ózbekstannyń Mádenı mura agenttigi málim etti,, dep habarlaıdy Almaty-akshamy.kz QazAqparatqa silteme jasap.
Tarıhı qundylyqtardyń jalǵandyǵy biregeı eksponattar tizimine engizilgen murajaı qoryn zertteý barysynda anyqtalǵan.
«Mýzeıdegi 101 eksponat mólsheri, materıaly, óńdeý stıli jáne jasalǵan kezeńi boıynsha kiris kitabynyń sıpattamalaryna sáıkes kelmeıtini anyqtaldy», - dep kórsetken agenttik.
Tekseris nátıjeleri boıynsha tıisti qujattar quqyq qorǵaý ogandaryna berildi.
2500 jyldan astam tarıhy bar «Ichan-Qala» bekinisi – Hıýa qalasynyń tarıhı bóligi bolyp sanalady. Ol 1990 jyly IýNESKO-nyń Búkilálemdik muralar tizimine engizilgen.