Qasterli mamandyq
Ult ustazy Ahmet Baıtursynuly «Muǵalim - mekteptiń júregi» dep baǵa beripti. Alash qaıratkeriniń bergen baǵasynan artyq baǵa bola qoımas.
Búginginiń oqýshysy bárinen zerek. Bylaı qarap otyrǵanda tym kóbirek biletin sıaqty. Bul tehnologıany jetik ıgere biletindikterine qarata aıtylǵan sóz. Sol qolynda smartfon, aıfon, aıpatty urshyqsha ıiredi. Al ǵalamtordaǵy ártúrli oıyn-saýyqtyq vıdeo men qosymshalardy úsh jasar bala ózi qosyp, ózi aýystyra alatyn halde. Tipti paradoks?!
Álqıssa. Qazirgi zaman - aqparattyq tehnologıanyń kezi. Munda ózin kórsetip, alǵa udaıy umtylyp otyrǵan abzalyraq. Áıtpese, áp-sátte shań jutyp qalýyńyz ǵajap emes. Sondyqtan da, shákirt tárbıelep otyrǵan muǵalimderge barynsha zamanaýı bolǵan lázim. Onsyz nan taýyp, kún kórý, alǵa shyǵý, ózin tanytý, ári barǵanda dáleldeý qıyn sıaqty. Iá, kóptiń qatarynda júre berýge bolady. Biraq, odan eshteńe ónbesin ýaqyttyń ózi-aq dáleldep tur.
Zamana. Sońǵy ýaqyttary mektep muǵalimderiniń jalaqysy artty. Olarǵa materıaldyq qoldaý jaǵy kúsheıip jatyr. Mártebesi qalypqa kelýde. Sonymen qatar, joǵary oqý ornynyń oqytýshylarynyń aılyǵy da burynǵydan edeýir kóbeıdi. Osynyń bári ǵylym men bilim salasynda is atqaryp júrgen azamattardyń abyroıynyń ústemdigin kórsetedi.
HH ǵasyrdaǵy Sultanmahmut Toraıǵyrov, Ahmet Baıtursyn, Maǵjan Jumabaevtar barlyǵy ǵylym, bilim, ónermen shuǵyldanǵan. Alash alyptary shákirt tárbıelep, balanyń zeıinin ashýdy qolǵa alǵan. Uly Ybyraı Altynsarın Torǵaıda mektep ashyp, «Kel, balalar, oqylyq!» dep qazaq balalaryna úndeý tastaǵan.
Túıin. Aıtarymyz - ıgi jolǵa bet burǵan jas muǵalimder tutas ultty tárbıelep otyrǵandyǵyn umytpasa eken!