Investısıalardyń ósý qarqyny 5,7%-ǵa deıin jedeldegen.
Premer-Mınıstr Álıhan Smaıylovtyń tóraǵalyǵymen ótken Úkimet otyrysynda bıylǵy 8 aıdaǵy elimizdiń áleýmettik-ekonomıkalyq damýynyń qorytyndysy jáne respýblıkalyq búdjettiń atqarylýy qaraldy, dep habarlaıdy Almaty-akshamy.kz Primeminister.kz silteme jasap.
Ulttyq ekonomıka mınıstri Álibek Qýantyrov bıylǵy qańtar-tamyzda Qazaqstan ekonomıkasynyń ósý qarqyny 3,1%-dy quraǵanyn málimdedi.
Naqty sektor 3,3%-ǵa ósti, qyzmet kórsetý salasynda iskerlik belsendilik 2,3%-ǵa ósti. Salalar arasynda qurylys, aqparat jáne baılanys, kólik jáne qoımalaý, saýda, óńdeý ónerkásibi, aýyl sharýashylyǵy, taý-ken óndirý ónerkásibi jaqsy qarqynmen ósip keledi. Sonymen qatar negizgi kapıtalǵa salynǵan ınvestısıalardyń ósý qarqyny 5,7%-ǵa deıin jedeldegen.
«Atalǵan kezeńde syrtqy saýda aınalymy 36,9%-ǵa ósip, $74,3 mlrd-ty qurady: eksport 52,9%-ǵa ósip, $48,9 mlrd boldy. Onyń ishinde óńdelgen taýarlar 35,7%-ǵa ósip, 14,3 mlrd boldy, al taýar ımporty $25,3 mlrd-qa jetti (14%-ǵa ósti). Oń saýda teńgerimi $23,6 mlrd-qa jetti (ósim 2,4 ese).Óńdeý ónerkásibi salalary boıynsha mashına jasaý óndirisi 7,9%-ǵa, onyń ishinde avtomobıl jasaý 18,2%-ǵa, elektr jabdyqtary óndirisi 8,3%-ǵa, tamaq ónimderiniń óndirisi 3,5%-ǵa, sýsyndar óndirisi 7,5%-ǵa, plasmassa buıymdarynyń óndirisi 5,1%-ǵa, daıyn metal buıymdary óndirisi 2,4%-ǵa, hımıa ónerkásibi 11,8%-ǵa, kıim-keshek óndirisi 7,1%-ǵa ósti», - dedi Álibek Qýantyrov.