Elordamyzdyń 25 jyldyǵyna oraı «Family» saıabaǵynda merekelik konsert ótti, dep habarlaıdy Almaty Aqshamy.
Áýezov aýdany ákimdiginiń qoldaýymen uıymdastyrylǵan konserttiń basty maqsaty - óskeleń urpaqty otansúıgishtikke tárbıeleý.
Merekelik konsertti tamashalaýǵa qala turǵyndary otbasylarymen keldi. Sonymen qatar, munda jastar, qalamyzdyń qonaqtary jáne ózge de aýdan turǵyndary bas qalamyzdyń kúnin birge atap ótti.
Mereıtoıda Seıfýllın Jolbarys, Abaı Begeı sıaqty qazaq estradasynyń juldyzdary óner kórsetti. Sondaı-aq, «7 chýdes Sveta» teatrynyń búldirshinderi patrıottyq ánder tartý etti.
Sahnada óner kórsetken ánshiler men bıshilerge kórermender alǵys aıtty. Bári birge ándetip, bılep merekeni toılady. Báriniń júzinde merekelik kóńil-kúı, bolashaqqa senim bar.
Astanamyz jarqyn bolashaqqa degen úmittiń, táýelsizdiktiń sımvoly. Endeshe egemendigimiz myń jyldyq bolsyn.