Prezıdent ákimniń esebin tyńdady.
Qasym-Jomart Toqaevqa Túrkistan oblysynda bıylǵy 8 aıda atqarylǵan jumystar týraly esep berildi, dep habarlaıdy Almaty-akshamy.kz Aqordanyń baspasóz qyzmetine silteme jasap.
Darhan Satybaldynyń aıtýynsha, ekonomıkanyń negizgi kórsetkishi – jalpy óńirlik ónerkásip óniminiń kólemi 534 mıllıard teńgege jetip, 2021 jyldyń osy kezeńimen salystyrǵanda 125 mıllıard teńgege ósken.
Oblysta jalpy quny 12,7 mıllıard teńgeni quraıtyn 26 ınvestısıalyq joba iske qosylyp, 936 jumys orny ashylǵan. Aýyl sharýashylyǵy salasynda 477 mıllıard teńgeniń ónimi óndirilip, byltyrmen salystyrǵanda kórsetkish 4 paıyzǵa artty.
Túrkistan aýmaǵynda birqatar sý nysandaryna jóndeý jumystary júrgizildi. Jospardaǵy sharalar iske asyrylǵannan keıin aýyl sharýashylyǵynyń jalpy ónim kólemi 1 trıllıon teńgege jetti.
Sondaı-aq jyl basynan beri 486 myń sharshy metr turǵyn úı paıdalanýǵa berilgen. Jyl sońyna deıin jalpy 85 turǵyn úıdiń qurylysyn aıaqtaý josparlanyp otyr.
Oblys ákimi búdjet esebinen 59 mekteptiń qurylysy júrgizilip jatqanyn, nátıjesinde bıyl 4 apatty jáne 2 úsh aýysymdy mekteptiń máselesi sheshiletinin baıandady. Budan bólek, jeke ınvestorlar 13 mektepti paıdalanýǵa berdi.
Qasym-Jomart Toqaev Túrkistan oblysynda qolǵa alynǵan jobalardy jalǵastyrýdy jáne halyqpen tyǵyz jumys isteý máselesin kúsheıtýdi tapsyrdy.