Kezdesý barysynda Qasym-Jomart Toqaev pen Dılhan Pelleı «Samuryq-Qazyna» qory men Temasek kompanıasy arasynda strategıalyq seriktestik ornatý múmkindigin talqylady, dep habarlaıdy almaty-akshamy.kz.
Prezıdenttiń aıtýynsha, atalǵan bastama iskerlik baılanystardy keńeıtýge, ekonomıkalyq ósimdi yntalandyrýǵa yqpal etedi. Memleket basshysy Qazaqstan tarapynyń Temasek kompanıasymen tyǵyz seriktestik jasaýǵa múddeli ekenin aıtty. Qasym-Jomart Toqaev sıngapýrlyq kompanıany Qazaqstan ekonomıkasynyń túrli salasynda birlesken ınvestısıalyq jobalardy júzege asyrý isine belsendi atsalysýǵa shaqyrdy.
Dılhan Pılleı kólik jáne logıstıka salalary boıynsha bizdiń elmen aradaǵy yntymaqtastyq perspektıvasyna joǵary baǵa berdi. Qazirgi ýaqytta sıngapýrlyq kompanıa Qazaqstan ekonomıkasyna qatysý múmkindikterin zerdelep jatyr.
Kezdesýde birlesken ınvestısıalyq qor qurý, sondaı-aq sıfrlandyrý, elektrondy komersıa jáne jańartylatyn energıa kózderi salalaryndaǵy yqpaldastyq máseleleri qarastyryldy.
Temasek – Sıngapýrdyń 1974 jyly qurylǵan eń iri ınvestısıalyq kompanıalarynyń biri. Álemniń 9 elinde kompanıanyń 13 ókildigi bar.