Prezıdent sý tasqyny kezinde elimizge kórsetken kómegi úshin koreı kompanıasyna alǵys bildirdi.
Memleket basshysy Doosan Group kompanıasynyń tóraǵasy Chjeong Von Pak pen Doosan Enerbility basqarma tóraǵasynyń orynbasary Ón In Chongti qabyldady, dep habarlaıdy Almaty-akshamy.kz Aqordaǵa silteme jasap.
Kezdesý basynda Prezıdent sý tasqyny kezinde elimizge kórsetken kómegi úshin koreı kompanıasyna alǵys bildirdi. Memleket basshysynyń aıtýynsha, osyndaı qıyn-qystaý jaǵdaıda kásipkerlerdiń halyqty qoldaýy olardyń áleýmettik jaýapkershilik deńgeıi joǵary ekenin kórsetti.
Qasym-Jomart Toqaevqa Túrkistan oblysynda qýaty 1 GVt bolatyn bý-gaz elektr stansıasyn salý jobasynyń júzege asyrylý barysy, sondaı-aq kompanıanyń Atyraý oblysynda «Qarabatan» gaz týrbınaly elektr stansıasyn keńeıtýge qatysý perspektıvalary týraly málimet berildi.
Doosan Enerbility kompanıasy Doosan Group quramyna kiredi. Bul kásiporyn atom elektr stansıalaryn salýǵa, jylý elektr stansıalaryn, týrbınalar men generatorlar, sý tushytatyn qondyrǵylar óndirýge mamandanǵan. Kompanıada 5 myńnan astam qyzmetker jumys isteıdi. 2023 jyly ónim satý kólemi 17,5 mıllıard dollardy qurady.