Búgingi elimizdiń aıbynyn asqaqtatar sardarlarymyz ben sarbazdarymyzǵa qandaı qurmet kórsetsek te jarasady. Memleket basshysy Qasym-Jomart Toqaev Jambyl oblysyndaǵy jarylysqa baılanysty 29 tamyzdy Jalpyulttyq aza tutý kúni dep jarıalady.
⠀
26 tamyz kúni keshke Jambyl oblysynyń áskerı bólimindegi qoımalardyń birinde jarylys bolǵan qaıǵyly oqıǵa bárimizge belgili. Nátıjesinde 13 adam qaıtys bolyp, órtti toqtatý kezinde QR Tótenshe jaǵdaılar mınıstrliginiń 50-ge jýyq qyzmetkeri zardap shekti.
⠀
Qaıtys bolǵan azamattarymyzdyń otbasylary men jaqyndaryna qaıǵylaryna ortaqtasyp, kóńil aıtamyn. Bul oqıǵa - tek sol otbasynyń ǵana emes, bizdiń elimizdegi árbir januıanyń basyna túsken aýyr qaıǵy. Marqumdardyń topyraǵy torqa, jandary jánnátta bolsyn! Al bul apattan zardap shekken adamdardyń tezirek saýyǵyp ketýine tilektespin.
⠀
Kim úshin de ulynyń, aǵasynyń, jarynyń jáne ákesiniń orny bólek. Búgingi kúnniń batyrlary eline qamqor, qoǵamǵa syıly azamattar bolyp ósti.
Eńbekteri eren qyzmetkerlerdiń ómir joly urpaqtaryna úlgi, kim-kimge de ónege bolarlyq óreli jol ekeni aıqyn.