Qala ákimi Áset Masabaev boldy.
Almaty oblysy ákiminiń ókimimen Áset Dúısebekuly Masabaev Taldyqorǵan qalasynyń ákimi laýazymyna taǵaıyndaldy, dep habarlaıdy Almaty-akshay.kz..
Áset Dúısebekuly Masabaev 1985 jyly týǵan, bilimi joǵary.
2008 jyly Almaty energetıka jáne baılanys ınstıtýtyn «energetıka júıeleri jáne baılanys», 2014 jyly Ekonomıka jáne quqyq akademıasyn «ekonomıka jáne bıznes bakalavry», osy jyly Reseı halyqtar dostyǵy ýnıversıtetin «zańger» mamandyqtary boıynsha bitirgen.
Eńbek jolyn 2007 jyly «Almaty elektr stansıalary» JES-2 elektr monteri bolyp bastaǵan.
Ár jyldary Almaty qalasynda «Naz» JSHS bas energetıgi, «Almaz ı KÚS» JSHS tehnıkalyq dırektory, Almaty qalasynyń energetıka jáne komýnaldyq sharýashylyq basqarmasynyń jetekshi mamany, bólim bastyǵy, basshynyń orynbasary, Almaty qalasy ákimi apparatynyń bas ınspektory, Almaty qalasy Jetisý jáne Medeý aýdandary ákimderiniń orynbasary, Almaty qalasynyń tabıǵı resýrstar jáne tabıǵatty paıdalanýdy retteý, sol sıaqty Energotıimdilik jáne ınfraqurylymdyq damý basqarmalarynyń basshysy qyzmetterin atqarǵan.
2020 jyldyń qyrkúıek aıynan Almaty qalasy Medeý aýdanynyń ákimi boldy.