Jylyna 3 mıllıard teńgege jýyq qarajatty únemdeý kózdelip otyr.
«Zerde» holdıńi taratylǵannan keıin «UAT» AQ tikeleı QR Sıfrlyq damý, ınovasıalar jáne aeroǵarysh ónerkásibi mınıstrligine beriledi, dep habarlaıdy Almaty-akshamy.kz QazAqparatqa silteme jasap.
Mınıstrliktiń «QazAqparat» agenttiginiń saýalyna bergen jaýabynda kórsetilgendeı, holdıńti taratý arqyly jylyna 3 mıllıard teńgege jýyq qarajatty únemdeý kózdelip otyr. Sondaı-aq holdıńti taratý arqyly artyq qyzmetterden arylyp, jaýapkershilikti naqty bólip alýǵa bolady.
Qazirgi tańda «Zerde» holdıńiniń qurylymynda úsh enshiles uıym bar: «Astana Hub» tehnoparki, «UAT» AQ jáne «Qazinnovations» AQ. Búgingi tańda holdıń qyzmetkerleriniń shtaty 230 adamdy quraıdy.
«Zerde» holdıńi taratylǵannan keıin «Ulttyq aqparattyq tehnologıalar» aksıonerlik qoǵamy tikeleı QR SDIAÓM qaramaǵyna beriledi.
Budan basqa, «Inovasıalyq tehnologıalar parki» DKQ, «Astana Hub» KQ jáne «QazInnovations» Inovasıalardy damytý jónindegi ulttyq agenttigi» AQ-ny bir uıymǵa biriktirý josparlanýda.
Buǵan deıin habarlanǵandaı, 2016-2021 jyldar kezeńinde holdıńtiń jınaqtalǵan shyǵyny 7 mlrd teńge boldy.
Eske sala keteıik, sáýir aıynda Memleket basshysy Qasym-Jomart Toqaev «Zerde» holdıńin reformalaýdy tapsyrǵan bolatyn.
Úkimettiń keńeıtilgen otyrysynda Qazaqstan Respýblıkasynyń Prezıdenti Qasym-Jomart Toqaev elimizdegi sıfrlandyrýdyń barysyna kóńili tolmaıtynyn aıtqan edi.
«Esep komıtetiniń synyna ushyraǵan «Zerde» ulttyq holdıńiniń jumysyn jaqsartýdy tapsyrdym. Premer-Mınıstr sıfrlandyrýdyń kýratory retinde osy máselege erekshe nazar aýdarýy kerek», - dedi Qasym-Jomart Toqaev.