Qujat 16 bólimnen turady.
Advokattarǵa laıyqty eńbekaqy tólensin. Óıtkeni, memlekettik qorǵaýshylarǵa qyzmeti úshin 300 teńge qalamaqy beriletin kezder bolady. Respýblıkalyq advokattar alqasy Májilis talqysyna osy jaǵdaıdy túzetetin jańa tujyrymdama usyndy, dep habarlaıdy Almaty-akshamy.kz.
İshinde advokat pen prokýratýranyń teńdigi, qorǵaýshylardyń mártebesi, eńbekaqysy, advokat qyzmetiniń reglamentteri men kepilderi, áleýmettik máselelerin sheshý týraly usynystar bar. Osylaısha advokattardyń jumysyndaǵy kedergilerdi joıyp, qyzmettiń tıimdiligin arttyrý kózdelgen:
«Jer sharynda advokat degen at, mamandyq óte bıik. Oǵan jetý qıyn. Advokat bolý úshin Amerıkada óte kúrdeli ekzamen tapsyryp ótedi. Bizde bolsa, advokattyń mártebesi tómendeý ǵoı. Quqyqtary tómendeý. Kepildikter jetkilikti emes. Sonyń bárin túzeý kerek. Jańa Qazaqstanda jańa advokatýra bolýy kerek degen oımen ózimizdiń tujyrymdamamyzdy jazdyq», - deıdi respýblıkalyq advokattar alqasynyń tóraǵasy Aıdyn Bıkebaev.