Ol Energetıka mınıstri bolyp taǵaıyndaldy.
Qazaqstannyń burynǵy Ekologıa, geologıa jáne tabıǵı resýrstar mınıstri Maǵzum Myrzaǵalıev Energetıka mınıstri bolyp taǵaıyndaldy, dep habarlaıdy Almaty-akshamy.kz Almaty.tv silteme jasap.
Maǵzum Maratuly Myrzaǵalıev 2019 jyly Qazaqstan Respýblıkasynyń Ekologıa, geologıa jáne tabıǵı resýrstar mınıstri bolyp taǵaıyndalǵan. Oǵan deıin Maǵzum Myrzaǵalıev 2014 jyldyń tamyz aıynan bastap Energetıka vıse-mınıstri qyzmetin atqarǵan.
Maǵzum Myrzaǵalıev 1978 jyly 7 qarashada Almatyda dúnıege kelgen. 1999 jyly "Turan" ýnıversıtetin "ekonomıs" mamandyǵy boıynsha támamdaǵan. L.N. Gýmılev atyndaǵy Eýrazıa ulttyq ýnıversıtetiniń Halyqaralyq qatynastar salasyndaǵy dıplomatıalyq akademıasynda oqydy. Esenov atyndaǵy Kaspıı memlekettik tehnologıalar jáne ınjınırıń ýnıversıtetinde "munaı-gaz ken oryndaryn ıgerý" mamandyǵy boıynsha bilim alǵan.
Eńbek ótilin Teńiz ken oryndarynda jáne Batys Sibirde burǵylaý eritindileri jónindegi ınjener bolyp bastady, AQSH pen Malaızıada taǵylymdamadan ótti.
2004-2007 jyldary MI Drilling Fluids International Aqtaý fılıalynyń óndiris jónindegi menedjeri-basshysy bolyp jumys istedi. 2010 jylǵa deıin "TeńizServıs "JSHS bas dırektory bolyp qyzmet etti.
2010-2012 jyldary - "QazMunaıGaz "UK" AQ servıstik jobalar jónindegi basqarýshy dırektory, keıinnen "QazMunaıGaz"UK" AQ ınovasıalyq damý jáne servıstik jobalar jónindegi basqarma tóraǵasynyń orynbasary qyzmetin atqardy.
2013 jyldyń qazan aıynan bastap Munaı jáne gaz vıse-mınıstri, 2014 jyldyń tamyz aıynan bastap Energetıka vıse-mınıstri boldy. "Qurmet" ordenimen jáne eki medalmen marapattalǵan.