Shara eki el arasynda dıplomatıalyq qarym-qatynas ornaǵanynyń 30 jyldyǵyna oraılastyrylǵan.
Madrıdtiń tarıhı ortalyǵynda, Ásem ónerler ortalyǵy kınoteatrynda Ulttyq kınony qoldaý memlekettik ortalyǵy men Qazaqstannyń Ispanıadaǵy Elshiliginiń qolǵabysymen Qazaqstan kınosy kúnderiniń resmı ashylý rásimi ótti, dep habarlaıdy Almaty-akshamy.kz
Syrtqy saıası vedomstvonyń málimetinshe, sharaǵa Ispanıanyń Syrtqy ister, Eýropalyq odaq jáne yntymaqtastyq mınıstrliginiń ókilderi, dıplomatıalyq korpýs, qazaqtandyqtar dıaspora, sheteldik kınosúıer qaýym qatysty.
Kórsetilim bastalar aldynda sóılegen sózinde Qazaqstan Elshisi Konstantın Jıgalov bul shara eki el arasynda dıplomatıalyq qarym-qatynas ornaǵanynyń 30 jyldyǵyna oraılastyrylǵanyn habarlady.
Qazaqstandyq dıplomat eki el arasyndaǵy mádenı almasýdyń joǵary deńgeıin atap ótti.
Onyń ishinde sońǵy jyldardaǵy «Astana Opera» memlekettik opera jáne balet teatry men Qurmanǵazy atyndaǵy Qazaq memlekettik akademıalyq halyq aspaptary orkestriniń gastróldik sapary, zamanaýı qazaq prozasy men poezıasynyń antologıasynyń ıspan tilindegi tusaýkeseri bar.
K. Jıgalov 2016 jyldan beri «Qazaqfılm» kınostýdıasy men Qazaqstan Elshiliginiń qoldaýymen Barselonada ótetin jyl saıynǵy Azıa kınofestıvalinde qazaqstandyq fılmder turaqty túrde kórsetilip kele jatqanyna toqtaldy.
Ásem ónerler ortalyǵynda rejıser Ernar Nurǵalıevtiń «Alǵa» jáne rejıser Farhad Sháripovtiń «Sqema» fılmderiniń eýropalyq premerasy ótip, oǵan F. Sháripov jáne «Alǵa» fılminiń prodúseri Maksım Akbarov qatysty.