1-Maýsym Halyqaralyq balalardy qorǵaý kúni
Maýsym Halyqaralyq balalardy qorǵaý kúnine oraı, Almaty qalasy Qalalyq qan ortalyǵyna kelip qan tapsyrǵan Qazaqstan Respýblıkasy Almaty qalasy boıynsha sot ákimshiligi departamentiniń sot qyzmetkerleri men memlekettik qyzmetshileriniń óńirlerine Ortalyq basshylyǵy «Men qan donorymyn» tósbelgisin taqty.
Almaty qalalyq Qan ortalyǵynyń «Qan tapsyryp, ómirge úmit syıla!» degen úndeýin kózi shalǵan departament basshylyǵy óz qyzmetkerlerine qan tapsyrý jóninde usynys bildirgen bolatyn, bul bastamaǵa birden elýden astam qyzmetker qoldaý bildirip, qan tapsyrýǵa kelisimderin beripti.
– Ómir bolǵan soń túrli jaǵdaılar bolady ǵoı, bir adam aýyr jol apatyna tússe, perzenthanada ómirge adam ákelemin dep kóp qan joǵaltqan qanshama ana qanǵa muqtaj bolyp jatyr, densaýlyǵy men ómiri qanǵa táýeldi qanshama balalar men naýqas jandar bar, sol sebepti qan tapsyryp, adamǵa ómir syılaý ár adamnyń azamattyq boryshy dep oılaımyn. Qan tapsyrǵandardyń qatarynda departamenttiń sot qyzmetkerleri, memlekettik qyzmetshileri jáne sýdıalarymen birge aýdandyq sottyń basshylary men qyzmetkerleri de bar. Búgin qan berýge kelgen áriptesterimniń bul qadamdaryn úlken adamgershilik pen qaıyrymdylyq is dep baǵalaımyn, – deıdi qyzmetkerlerin osy saýapty iske bastap kelgen Almaty qalasy boıynsha sot ákimshiligi departamenti basshysynyń orynbasary Abaı Ǵalymjanuly Jarylqasyn.
Qan ortalyǵynyń dárigerleri men zerthana qyzmetkerleriniń qatań tekserýlerinen ótken departamenttiń 50 qyzmetkeri Qan daıyndaý bóliminiń qan jáne onyń komponentterin daıyndaý blogynda qan tapsyryp, adamǵa ómir súrý úmitin syılaý paryzdaryn ótedi. Department basshylyǵynyń bastamasyn qýana qoldaǵan Qalalyq qan ortalyǵynyń dırektory, Almaty qalalyq máslıhatynyń depýtaty Jandos Nádirov sot qyzmetkerlerine alǵys bildirip, olardy Ortalyqtyń eń qurmetti marapaty «Men qan donorymyn» degen tósbelgisimen marapattady. Jandos Qýanyshbekuly, qan donory bolýǵa nıet bildirýshilerdiń qatary jyl sanap ósip kele jatqanyn jetkizip, departmenttiń bul bastamasyna ózgelerdiń de qoldaıtynyna senim bildirdi. Óıtkeni, jaqsy bastama qashanda óz jalǵasyn tabady.
Department qyzmetkerleri tek aıtýly kúnderde ǵana emes, qaıyrymdylyq sharalaryn ózderiniń áleýmettik baǵyttaryna aınaldyryp, meıirimdilik pen qaıyrymdylyq qajet jerden tabylyp júredi. Olar qalamyzdaǵy jetim sábılerge arnalǵan Sábıler úıin qamqorlyqtaryna alǵan. Qala ómirinde ótetin sporttyq jáne pen mádenı is sharalarda da departmenttiń qyz -jigitteri aldyńǵy qatardan kórinip keledi. Al departament qyzmetkereleri bergen jıyrma úsh lıtr qan qanshama adamnyń ómirin qutqarýǵa septigin tıgizedi deseńizshi!!!
Mundaıda jaraısyńdar, jaqsy isteriń jalǵasty bolsyn deısiń.
Nurjamal BAISAQALOVA.