Úkimet bul týraly tıisti qaýly qabyldady.
Qaýly tórt shyǵarmashylyq joǵary oqý ornyna qatysty, dep habarlaıdy Almaty-akshamy.kz Premer-Mınıstrdiń resmı saıtyna silteme jasap.
Mádenıet jáne óner salasyndaǵy birqatar joǵary oqý oryn oqytýshylarynyń eńbekaqysy kóterildi.
«2025 jylǵa deıingi Halyqtyń tabysyn arttyrý jónindegi keshendi jospardy iske asyrý sheńberinde uıymdyq-quqyqtyq nysanyna qaramastan, erekshe mártebesi bar mádenıet jáne óner salasyndaǵy joǵary jáne (nemese) joǵary oqý ornynan keıingi bilim berý uıymdary profesor-oqytýshylar quramynyń laýazymdyq eńbekaqylarynyń belgilengen mólsherine arttyrý koefısıentin ulǵaıtý (1,75-ten 3,5-ke deıin) kózdelgen. Qaýly 2022 jylǵy 1 qańtardan bastap qalyptasqan qatynastarǵa qatysty qoldanylady, sondyqtan osy jyldyń ótken aılarynyń eńbekaqysy boıynsha qaıta esepteý júrgiziletin bolady», - dep kórsetilgen resmı habarlamada.
Qaýly tórt shyǵarmashylyq joǵary oqý ornyna qatysty: T. Júrgenov atyndaǵy Qazaq ulttyq óner akademıasy, Qurmanǵazy atyndaǵy Qazaq ulttyq konservatorıasy, Qazaq ulttyq óner ýnıversıteti jáne Qazaq ulttyq horeografıa akademıasy.