Mundaı boljamdy ǵalymdar Nú-Delı turǵyndarynyń ómirine qatysty boljap otyr
Sebebi Nú-Delıde aýanyń lastaný kórsetkishi eń joǵarǵy deńgeıge jetti. Oǵan Dıvalı merekesi sebep. Óıtkeni kóshege shyqqan jurt sham jaǵyp, otshashý atady, dep habarlaıdy Almaty-akshamy.kz 24.kz-ke silteme jasap.
Bıyl pırotehnıkalyq zattardy satýǵa jáne qoldanýǵa tyıym salynǵan. Biraq ony eskerip jatqandar az. Al shahardyń ekologıalyq jaǵdaıy onsyz da máz emes. Ónerkásip oryndarynan aýaǵa bólinetin zıandy gazdar kóp. Onyń syrtynda kólikterdiń de zıany bar. Bul azdaı kúzde fermerler masaq órteıdi.
Ǵalymdardyń esepteýinshe, aýanyń lastanýy saldarynan Nú-Delı turǵyndarynyń ómiri 6 jylǵa qysqarady eken.
«Turǵyndarǵa otshashý atpańdar dep aldyn ala eskertildi. Alaıda oǵan jurttyń qulaq asyp jatqany shamaly. Saldarynan aýa sapasy kúrt nasharlap ketti. Endi bul jaǵdaı tek Nú-Delı halqyna ǵana emes, soltústik óńir turǵyndaryna da áser etip otyr», - deıdi ekolog Vımlendý Djha.