Kúz – jemis-jıdektiń pisip, aǵzany paıdaly dárýmendermen baıytatyn shaq. Kún raıy salqyndaı bastaıtyn osy shaqta qysqa daıyndyq retinde ımýnıtetti kóteretin, densaýlyqqa paıdasy mol kókónisterdi jegen jón. Ásirese, bul maýsymda as mázirinde kelesi kókónister tizimi bolsa, quba-qup.
Asqabaq. Bul kóknistiń quramynda beta-karotın kóp, ol mańyzdy A dárýmenin bóledi. Terini qalpyna keltirip, ony jazýda bul dárýmenniń paıdasy kóp. Sonymen qatar, asqabaq júrek-qan tamyrlary júıesiniń durys jumys isteýi úshin de qajet. Asqabaqty qaımaq, tabıǵı ıogýrt nemese rıkottamen úılestirip qoldansa bolady.
Qyzylsha. Bul kókónis asqazan-ishek joldaryna óte jaqsy áser etedi, sonymen birge qaterli isik kletkalarynyń ósýin tejeıdi. Qyzylsha kognıtıvtik fýnksıalarǵa jaqsy áser etedi – adam mıynyń jumysyn jaqsartatyn qasıetke ıe. Bul kókónisti záıtún jáne kúnjit maılarymen, sondaı-aq, kez kelgen shóptermen jáne dámdeýishtermen úılestirip jese bolady.
Oramjapyraq. Bul kókónistiń basty qundylyǵy onyń kúshti antıoksıdant – S dárýmenine baı keletininde. Sonyń arqasynda ol aǵzadaǵy holesterın deńgeıin azaıtyp, qan qysymyn rettep, ishekterge jaqsy áser etedi. Shıki oramjapyraqty basqa da qytyrlaq kókónistermen úılestirýge bolady, sonymen birge maı, shópter jáne irimshikpen pisirýge bolady.
Baıaldy
Kókshil-kúlgin tústes bolyp keletin bul kókónis qandaǵy qant mólsherin túsiretin jasunyqtar men polıfenolaǵa baı. Onyń ústine, kalorıasy az baıaldynyń ózine tán erekshe dámi bar. Ony záıtún maıymen, sonymen birge irimshikpen, sarymsaqpen jáne kók dámdeýishtermen qoldanýǵa bolady.
Burysh
Tátti burysh - S,E,K jáne A dárýmenderiniń negizgi kózi. Osylaısha, ol qannyń jaqsy uıyǵyshtyǵyna áser etedi, bulshyq etterdi, súıekti , tipti júıke júıesin nyǵaıtady. Muny irimshik ónimderimen, etpen jaqsy úılestirip qoldanýǵa bolady.
Derekter ınternet jelisinen alyndy.