Jer úıler 15-20 paıyz arzandapty
Elimizde kúzde baspana baǵasy arzandaıdy. Jyljymaıtyn múlik agenttiginiń mamandary osyndaı boljam jasady, dep habarlaıdy Almaty-akshamy.kz Almaty.tv-ge silteme jasap.
Aıtýlarynsha, qazirdiń ózinde bastapqy jáne qaıtalama naryqtaǵy páter quny 1-2 paıyz tómendegen. Baspananyń arzandaǵanyna qaramastan úıden úmittiler qatary sırep ketipti.
«Turǵyn úı naryǵyndaǵy toqyraý kúzde bastalady». Mamandardyń sózine sensek, bıyl kez-kelgen sanattaǵy baspana baǵasy aıtarlyqtaı tómendegen. Jer úıler 15-20 paıyz arzandapty. Al sý jańa degen turǵyn úı keshenderiniń satylymy kóńil qýantarlyq emes kórinedi.
«Osy úsh aıdyń kóleminde qysqa deıin páterlerdi satyp úlgerý kereksiz. Sebebi kúzde satpasańyz, páterler turyp qalady. Qysta suranys azaıady. Baǵalar osy ýaqytta óspeıdi, sebebi nesıe óte qymbat. 16-19 paıyz nesıe óte qymbat», – dedi Jyljymaıtyn múlik agenttiginiń basshysy Ǵalym Ysqaqov.
Sarapshy sońǵy 3 aıda baspana naryǵynda aıtyrlyqtaı ózgeris bolǵanyn aıtty. Tıisinshe baǵa qubyla túsipti. Qazir el boıynsha Jambyl, Soltústik Qazaqstan oblysynda páter quny eń arzan bolsa, eń qymbaty Nur-Sultan, Almaty qalasynda eken. Bas qaladaǵy úıdiń sharshy metrin 380 - 410 myń teńge aralyǵynda tabasyz. Al ózge óńirlerde baǵa 210 myń teńgeden bastalady.
«Turǵyn úı qurylysyna ınvestısıalar 2020 jylmen salystyrǵanda 19 paıyz óstip, 2,4 trln teńge qurady. Sonymen qatar 150 000 jýyq azamattar úı jaǵdaıyn jaqsartty. Memlekettik ınvest sheńberinde 30 000 áleýmettik turǵyn úı salyndy. 18,5 myń jeńildikti qaryz berildi», – dedi QR IIDM Turǵyn úı qatynastary basqarmasynyń basshysy Sultanǵalı Jalqul.
Ulttyq statısıka búrosynyń aqparynsha, naýryzda bastapqy jyljymaıtyn múlik baǵasy aqpanmen salystyrǵanda birden 5,5 paıyz qymbattaǵan. Tıisinshe, jyl basynan beri paıdalanýǵa berilgen turǵyn úılerdiń jalpy alańy 0,5 paıyz tómendepti. Sarapshy suranystyń kúrt azaıý sebebin qymbatshylyqpen baılanystyrdy.
Turǵyn úılerdi paıdalanýǵa berý isinde qurylys qarqyny Abaı, Ulytaý, Jetisý oblysynda tómendegen. Bul aımaqtarǵa jyl basynan beri 800 páter ǵana qoldanysqa ótken eken. Al jyl sońyna deıin elde 15 mln sharshy metr turǵyn úı paıdalanýǵa beriledi.