Bul suraqqa Ádilet mınıstri jaýap berdi.
QR Ádilet mınıstri Qanat Mýsın Konstıtýsıalyq sot qurý úshin qandaı zańnamalyq ózgerister engiziletinin aıtty, dep habarlaıdy Almaty-akshamy.kz
«Konstıtýsıalyq sot qurý úshin áýeli Konstıtýsıaǵa ózgerister enigizilýi kerek. Óıtkeni ondaı organdar Konstıtýsıada kórsetilýi kerek. Konstıtýsıaǵa ózgerister engizgennen keıin Konstıtýsıalyq sot týraly bólek konstıtýsıalyq zań qabyldanady. Konstıtýsıalyq sottyń tóraǵasyn kim taǵaıyndaıtyny, Parlamenttiń saılaýy arqyly taǵaıyndala ma, bul suraqtyń bárin osy zańdy ázirlegen kezde belgili bolady. Áli zań joq bolǵandyqtan, qazir qalaı bolatynyn eshkim aıta almaıdy. Jyl sońyna deıin Konstıtýsıaǵa búkil ózgerýler men túzetýler, qajetti konstıtýsıalyq zańdar, basqa da zańdar ázirlenip, qabyldanýy kerek, odan keıin baryp Konstıtýsıalyq sot qurylady», - dedi Qanat Mýsın.