"Qazgıdromet" aqpan aıyndaǵy sý tasqynyna qatysty boljamdy jarıalady
Aqpan aıynda aýa temperatýrasy joǵarylap, qatty jańbyr jaýǵan jaǵdaıda, Qazaqstannyń ońtústigi, ońtústik-shyǵysy men shyǵysyndaǵy taý ózenderinde erigen qar jáne jańbyr sýynan aýqymdy tasqyn bolýy múmkin, dep habarlaıdy Almaty-akshamy.kz.
Qaraǵandy, Ulytaý, Aqmola, Batys Qazaqstan, Atyraý jáne Aqtóbe oblystarynda topyraqtyń qatý tereńdigi ótken jylǵy kórsetkishterden orta eseppen 3 sm-den 84 sm-ge deıin artyq. Aqmola, Soltústik Qazaqstan jáne Qostanaı oblystarynda bul kórsetkish ótken jylǵy kórsetkishtermen salystyrǵanda orta eseppen 7 sm-den 40 sm-ge deıin kem. Qazaqstannyń jazyqtaǵy ózenderi baseıninde jınalǵan qar jamylǵysyndaǵy sýdyń qory aıtarlyqtaı árkelkiligimen sıpattalady, naqtyraq aıtsaq, ol Aqmola, Ulytaý, Qostanaı, Aqtóbe, Batys Qazaqstan jáne Atyraý oblystarynda ortasha kópjyldyq mánnen tómen, al Qaraǵandy jáne Soltústik Qazaqstan oblystarynda ortasha kópjyldyq mánniń sheginde.
Konsýltatıvtik sınoptıkalyq aýa raıy boljamyna sáıkes, 2023 jyldyń aqpan aıynda el aýmaǵynyń basym bóliginde aýa temperatýrasy normaǵa jýyq. Al respýblıkanyń ońtústik jáne shyǵys óńirlerinde negizinen jyly jáne jaýyn-shashyndy bolady dep kútilýde.