Erteńnen bastap Ashyq qosymshasynda kók mártebemen júrgen turǵyndar saýda ortalyqtary, oıyn-saýyq keshenderi, bankter, halyqqa qyzmet kórsetý ortalyqtary men «Qazposhtaǵa» kire almaıdy, dep habarlaıdy almaty-akshamy.kz «Habar 24»-ke silteme jasap.
Úkimet otyrysynda densaýlyq saqtaý mınıstriniń mindetin aqarýshy Jandos Búrkitbaev osylaı dep málimdegen edi. Bul qoǵamdyq oryndarda indettiń taralyp ketpeýine septigin tıgizedi degen úmitpen qolǵa alynyp otyrǵan shara. Jalpy dertti jeńýdiń bir amaly – 2022 jyldyń alǵashqy jartysynda 9 mıllıon qazaqstandyqty revaksınalaýdan ótkizý. Úkimet basshysy salalyq mınıstrlikke osyndaı mindet júktegen.
– Bizdiń mindetimiz qazirgi turaqty epıdemıologıalyq ahýaldy ustap turý. Sol arqyly azamattardy qorǵaý. Ásirese adam kóp shoǵyrlanǵan jerlerde qaýipsizdikti saqtaý mańyzdy. Sondyqtan bul shara adam quqyǵyn buzady dep oılamaımyn. Kerisinshe halqymyzdyń deniniń saý bolýyn qamtamasyz etedi - deıdi QR DSM sanıtarlyq-epıdemıologıalyq baqylaý komıtetiniń tóraǵasy Aıjan Esmaǵambetova