Memlekettik qyzmetter kórsetý sapasyn arttyrýdyń mańyzdy quraldarynyń biri olardyń kórsetilýin baqylaý bolyp tabylady. Bul mehanızm azamattardyń memlekettik organdarmen ózara is-qımyly kezinde ashyqtyq pen zańdylyqty qamtamasyz etýde mańyzdy ról atqarady.
Osyǵan baılanysty, Almaty qalasy boıynsha Memlekettik qyzmet isteri departamenti turaqty negizde kórsetiletin qyzmetti berýshiler tarapynan qyzmet kórsetý sapasynyń jaı-kúıin zerdeleý boıynsha jumys júrgizýde. Júıeli máselelerge de, azamattardyń naqty ótinishterine de nazar aýdarylady.
Máselen, azamaty S. shaǵymyn qaraý sheńberinde Departament jergilikti atqarýshy organnyń memlekettik qyzmet kórsetý merzimderiniń saqtalýyna tekserý júrgizdi.
Qazaqstan Respýblıkasynyń «Memlekettik kórsetiletin qyzmetter týraly» Zańyna sáıkes kórsetiletin qyzmetti berýshiler memlekettik qyzmet kórsetý tártibin aıqyndaıtyn zańǵa táýeldi normatıvtik quqyqtyq aktilerge sáıkes memlekettik qyzmet kórsetýge mindetti.
Alaıda jospardan tys tekserý nátıjesinde Almaty qalasy jer qatynastary basqarmasy qyzmetkerleriniń áreketterinde buzýshylyq anyqtaldy.
Departamenttiń den qoıý nátıjeleri boıynsha Almaty qalasy Medeý aýdanynda azamat S. jer ýchaskesin satý týraly Almaty qalasy ákimdiginiń qaýlysyn berý arqyly kórsetiletin qyzmetti alýshynyń buzylǵan quqyqtary qalpyna keltirildi.
Nátıjesinde, memlekettik organnyń qyzmetkerlerine qatysty buzýshylyqtarǵa jol bergen adamdardy jaýapqa tartý týraly usynys jiberildi.
Buzylǵan quqyqtar men zańdy múddelerdi qalpyna keltirý máselesi Almaty qalasy boıynsha Memlekettik qyzmet isteri departamentinde erekshe baqylaýda.