Almaty qalasynda Qazaqstannyń shahmat qoǵamdastyǵynyń úzdik ókilderine KazChess Awards marapatyn tabystaý rásimi ótti. Bul marapat alǵash ret uıymdastyrylyp otyr.
Sonymen, Qazaqstan shahmatynyń myqtylary:
- «Áıelder arasynda jyl sportshysy» – áıelder arasynda jyldam shahmattan eki dúrkin álem chempıony Bıbisara Asaýbaeva;
- «Erler arasynda jyl sportshysy» – erler arasynda blısten Azıa chempıony Rınat Jumabaev;
- «Jyl kóshbasshysy» – 44-shi Halyqaralyq shahmat olımpıadasynyń qola júldegeri Jansaıa Ábdimálik;
- «Jyl úzdigi» – áıelder arasynda jyldam shahmattan vıse-chempıony Dınara Sádýaqasova;
- «Jyl jańalyǵy» – 18 jasqa deıingi jyldam shahmattan álem chempıony Nógerbek Qazybek;
- «Jyl úmiti» – 14 jasqa deıingi qyzdar arasynda jyldam shahmattan álem chempıony Zarına Nurǵalıeva;
- «Jyl uıymdastyrýshysy» – Almaty oblysy jáne Jetisý oblysynyń shahmat jáne ústel oıyndary federasıasynyń prezıdenti Saıat Egemberdıev;
- «Jyl bapkeri» – Azıa jáne QR chempıondarynyń jáne chempıonat jeńimpazdarynyń jetekshisi Erjan Shákenov; «Jyl tóreshisi» – Halyqaralyq klasty sýdıa Oleg Rınas.
TAQYRYPQA ORAI
Qazaqstan shahmat federasıasynyń prezıdenti Tımýr Týrlov saltanatty rásimniń alǵysózinde marapat ıelerin quttyqtady.
«Ótken maýsym boıy bizdiń sportshylar keremet nátıjeler kórsetti. Árbir jeńistiń artynda ata-ana, bapkerler shtaby jáne sportshylardyń ózderi atqarǵan qajymas eńbek jatyr. Olar jetistikterimen Qazaqstannyń abyroıyn álemdik arenada asqaqtatýda. Biraq odan da mańyzdysy – óskeleń urpaqty shahmatpen aınalysýǵa ári budan da orasan zor jeńisterge qol jetkizýge yntalandyryp, olarǵa naǵyz úlgi bolyp keledi. Bul marapat – bizdiń elimizde shahmatty damytý men qoldaý boıynsha aýqymdy ári keshendi jumystardyń bir bóligi. Sol arqyly biz kórnekti sporshylarymyzdyń arasynan áli-aq naǵyz sańlaqtardy tárbıelep shyǵaramyz», – dedi T.Týrlov.
Ol elordada bıylǵy 7 sáýir men 1 mamyr aralyǵynda ótetin shahmattan FIDE álem chempıonatynyń mańyzdylyǵyn da atap ótti. Álemniń eń myqtylarynyń osynaý jekpe-jegi atalǵan sport túrin bizdiń elimizde tanymal etýge yqpal etedi dep senim bildirdi.