Úkimet ınflásıany tómendetý úshin ne istep jatyr?
Bul suraqqa Saýda jáne ıntegrasıa mınıstri Serik Jumanǵarın jaýap berdi, dep habarlaıdy Almaty-akshamy.kz
Serik Jumanǵarın mınıstrler kabıneti byltyr jyl boıy qarjy resýrsyn birshama shoǵyrlandyrǵanyn aıtty.
«Biz shamamen 100 mıllıard teńge jınadyq, qant baǵasyn jabý úshin qantqa 25 mıllıard teńge bóldik. Jaqyn arada tórtinshi qant zaýyty iske qosylady, ol kópten beri turyp, jańǵyrtyldy... Biz qalǵan qarajatqa kartop, sábiz, pıaz, qyryqqabat satyp alyp, ony aqpan-mamyr aralyǵynda qazaqstandyqtardyń suranysyn qanaǵattandyrýǵa jetkilikti kólemde jumsadyq. Ónimderimiz óte kóp. Turaqtandyrý qorlarynyń ónimin keńeıtý qazir ákimdikterge belgilegen baǵa boıynsha bastalyp jatyr. Mundaı baǵa ınflásıany tómendetýge kómektesedi», - dedi ol.
Ol halyqtyń ınflásıalyq boljamy taýarlar men azyq-túlik qunyna áser etetinin málimdedi.
«Qazir bul salada áreket etetin birden-bir tendensıa - halyqtyń ınflásıalyq boljamy. Basqa eshteńe joq. Al ony saýdagerler, satýshylar paıdalanady, baǵany únemi kóterip otyrady. Sondyqtan biz qazir bul ónim massasyn 704 saýda orny arqyly taratyp jatyrmyz. Mindetti túrde kasasy bar saýda núktelerinde baǵa baqylanady, bizdiń saýda bólimsheleri baǵany kúnine úsh ret túsiredi, baqylaıdy. Sapasy jaqsy pıazdy 130 teńgeden satady. Ony qaptap satyp alýdyń qajeti joq. Burynǵydaı bir-eki keli satyp alýǵa bolady. Qazir kúrishtiń baǵasyn túsirip jatyrmyz, Qyzylorda oblysynyń ákimi osylaı istep jatyr, memorandýmǵa qol qoıdyq. Áleýmettik mańyzy bar 19 ónim boıynsha biz búgin kez kelgen tosynsyıǵa daıynbyz, alańdaýǵa esh negiz joq», dedi mınıstr.
Jalpy mınıstrdiń aıtýynsha, Saýda jáne ıntegrasıa mınıstrliginiń mindeti – eń áýeli tapshylyqtyń aldyn alý. Ekinshiden, baǵany turaqty etý. Al úshinshisi - múmkin bolsa, tómendeý úrdisin qurý.
«Biz aqpan-naýryz aılarynda odan ári tómendeý tendensıasyn kórsetýimiz kerek. Halyqqa óndiris jetkilikti ekenin jáne dúrbeleńge salynýdyń qajeti joq ekenin túsindireıik... Bizde ónim kóp», - dedi Serik Jumanǵarın.