Sportshy 2009 jyldan beri rıngke shyqqan joq
1996 jylǵy Olımpıada chempıony, birinshi aýyr salmaqta IBF tujyrymy boıynsha burynǵy álem chempıony qazaqstandyq Vasılıı Jırov «Sport-Ekspress» basylymyna bergen suhbatynda amerıkalyq Djeıms Tonımen revansh ótkizgisi keletinin aıtty, dep habarlaıdy Almaty-akshamy.kz Tengrinews.kz saıtyna silteme jasap.
Jırov 2009 jyldan beri rıngke shyqqan joq, qazir jasy - 47-de.
«Shoý túrindegi jekpe-jek ótkizemiz shyǵar - eki shal rıngke shyǵyp, judyryqtasady. Osyndaı jekpe-jek ótkizý oıda bar. «Tonı, jekpe-jek ótkizeıik» dedim. Ol bolsa... Birde kelisedi, birde kelispeıdi. Áli qorqyp júrgen shyǵar», - dedi Jırov.
Jırov pen Tonı arasyndaǵy jekpe-jek 2003 jyly 26 sáýirde ótken. Tonı tóreshiler sheshimimen jeńip, qazaqstandyq boksshyǵa tıesili IBF tıtýlyn ıelengen bolatyn. Jırov keıin Tonı ádiletsiz jeńgenin aıtqan. The Ring jýrnaly sol kezdesýdi 2003 jyldyń úzdik jekpe-jegi dep tanyǵan edi.
Qazir Djeıms Tonı 53 jasta, kásipqoı bokstan áli ketpedi. 23 qazanda ol 49 jastaǵy Djeremı Ýılámspen judyryqtasady.