Italıada endi jasy 12-den asqan balalarǵa amerıkalyq Moderna kompanıasynyń koronavırýsqa qarsy ekpesin salýǵa bolady, dep habarlaıdy almaty-akshamy.kz «Habar 24» silteme jasap.
Eýropanyń dárilik zattar jónindegi agenttigi preparatty qoldanýǵa ruqsat berdi. Zertteýlerge sáıkes vaksınalaý nátıjesinde jetkinshekterde eresektermen birdeı antıdene qalyptasady eken.
Negizi Appenın túbeginde 12-15 jas aralyǵyndaǵy balalarǵa Pfizer jáne BioNTech kompanıalarynyń ekpesin qabyldaýǵa ruqsat etilgen.
Búginde Italıadan bólek Fransıa, AQSH, Izraıl, Kanada men Sıngapýrde jetkinshekter vaksına saldyra alady. Al Qytaıda koronavırýsqa qarsy vaksınany jasy 3-ten asqan búldirshinderge de shuǵyl jaǵdaıda qoldanýǵa ruqsat etilgen.