Májilis depýtaty Temir Qyryqbaevtyń basy daýǵa qaldy. Ony jurt Túrkistan oblystyq máslıhatyndaǵy mandatty óz "toqalyna" berdi dep jáne nekesiz balasyn jasyryp júr dep aıyptady. Temir Qyryqbaev buǵan pikir bildirdi, - dep habarlaıdy Aqshamnews.kz tilshisi.
Májilismen Túrkistan oblystyq máslıhaty depýtatynyń kreslosyn Nuraıym Shaqımergenge "syılady" degen aqparat tarady.
"Bul basqa syımaıdy! Ol ózi saılanǵan, halyq saılaǵan. Suraqtaryńyz bolsa, óńirdiń saılaý komısıasyna joldańyzdar", - dedi májilismen.
Óz qarym-qatynastary jaıly suraqtarǵa Qyryqbaev jaýap berýden bas tartty.
"Ol - meniń jeke ómirim. Otbasy qundylyǵyn saqtaý úshin basqa eshteńe aıta almaımyn. Al balamdy meniń ulym emes dep esh jerde aıtpaǵanmyn. Men oǵan óz tegimdi berdim, muny Allanyń aldynda da, adamdardyń aldynda da jasyrmaımyn!" - dedi ol.
Buǵan deıin áleýmettik jelilerde prodúser ári ánshi Móldir Muqanovanyń ajyrasýy jáne kúıeýiniń opasyzdyǵy talqylanǵan edi. Keıin Qabatov burynǵy jubaıynyń sózine jaýap bergen.