Almaty qalasy Bilim basqarmasyna qarasty qalalyq Bilim berýdegi jańa tehnologıalardyń ǵylymı-ádistemelik ortalyǵynyń uıymdastyrýymen «Salaýatty urpaq tárbıeleımiz!» taqyrybynda halyqaralyq konferensıa ótti.
İs-sharaǵa sheteldik jáne «Salaýatty tamaqtaný mektebi» baǵdarlamasyn júzege asyrýǵa belsendi atsalyp júrgen Almaty men Astana qalalarynyń bilim berý salasy qyzmetkerleri, bastaýysh synyp pedagogteri (jalpy 130-ǵa tarta maman) qatysty.
Konferensıa barysynda Ózbekstan, Grýzıa jáne Reseıden kelgen qonaqtar baǵdarlamany júzege asyrý barysyndaǵy tájirıbelerimen bólisip, jańa ıdeıalar usyndy. Jobanyń maqsaty men tájirıbelik nátıjeleri talqylandy. Jobanyń 2024-2025 oqý jylyndaǵy qorytyndysy jáne mektepterde baǵdarlamany damytý boıynsha tyń bastamalar qarastyryldy. Sonymen qatar, konferensıa aıasynda muǵalimderdiń respýblıkalyq ádistemeler baıqaýynyń fınaly ótti. Fınalıster durys tamaqtaný negizderin oqytý ádistemelerimen tanystyrdy.
«Salaýatty tamaqtaný mektebi» jobasy elimizde 2013 jyldan beri Almaty qalasy Bilim basqarmasynyń Bilim berýdegi jańa tehnologıalardyń qalalyq ǵylymı-ádistemelik ortalyǵymen, Nestlé kompanıasymen, Astana qalasy ákimdiginiń ádistemelik ortalyǵymen jáne Qazaq tamaqtaný akademıasymen yntymaqtastyqta tabysty iske asyrylýda.
Oqýshylar óz densaýlyǵyna qalaı qamqorlyq jasaý kerektigin jyl saıyn uıymdastyrylatyn sabaqtarda, kvestterde, ekskýrsıalar men konkýrstarda úırenedi. Máselen, baǵdarlamaǵa qatysýshylar, ıaǵnı oqýshylar ata-anasymen birlesip «Salaýatty bastama», «Salaýatty balalar», «Salaýatty jáne baqytty urpaq tárbıeleımiz!», «Adam aǵzasyna paıdaly taǵamdar ázirleımiz!» fotokonkýrstary men «Bizdiń dastarhan» kórmesine sýretter jiberdi, aspazdyq dúkenderge ekskýrsıa jasaý arqyly paıdaly ónimderdi tańdaýdy úırendi.
«Mektep – bul ómir boıy ádet-daǵdylardy qalyptastyratyn oryn. Biz balalardyń oılaýynyń qalaı ózgeretinin kóremiz: olar ózderine jáne aınalasyndaǵylarǵa muqıat bolady. Bul muǵalimderdiń, ata-analardyń jáne baǵdarlama seriktesteriniń birlesken jumysynyń nátıjesi. Bizdiń «Salaýatty tamaqtaný mektebi» jobamyz SALAMATTY MEKTEP ulttyq jobasyn iske asyrýǵa jan-jaqty yqpal etedi», – deıdi Almaty qalasy Bilim basqarmasynyń Bilim berýdegi jańa tehnologıalar qalalyq ǵylymı-ádistemelik ortalyǵynyń aqparattyq-baspa bóliminiń basshysy Tatána Ejova.
Konferensıanyń plenarlyq májilisi muǵalimderge arnalǵan arnaıy trenıńtermen jalǵasty. Onda HHİ ǵasyrdaǵy balalardyń fızıkalyq, kognıtıvti jáne psıhologıalyq damý tendensıalary talqylandy.
«Salaýatty tamaqtaný mektebi» jobasyn bilim berý prosesine kiriktirý sabaqtardy praktıkalyq jáne zamanaýı etýge kómektesedi. Balalar jaı ǵana tyńdap qarap otyrmaıdy, ózderi qatysady, talqylaıdy, úırenedi, qorytyndy jasaıdy. Bul – tájirıbe arqyly oqytý», – dedi Astana qalasy ákimdiginiń ádistemelik ortalyǵynyń bólim basshysy Anar Dosmuhamet.
İs-shara sońynda qatysýshylarǵa sertıfıkattar tabystaldy.