Qazaqstanda alǵash ret bank esepshottaryn alaıaqtyq sqemalarda paıdalanýǵa bergen adamdardyń "sur" jáne "qara" tizimi shyqty. Bul týraly Qarjy naryǵyn retteý jáne damytý agenttiginiń tóraıymy Madına Ábilqasymova málimdedi, dep habarlaıdy Aqshamnews.kz.
Ábilqasymovanyń aıtýynsha, arnaıy antıfrod-ortalyqqa kúdikti operasıalardy bes kúnge deıin buǵattaý jáne tekserý quqyǵy berilgen.
"Eger bes kún ishinde operasıanyń alaıaqtyqqa qatysy joq ekeni dáleldense, esepshot qaıta ashylyp, qyzmet kórsetý tolyq qalpyna keledi. Al kúdik rastalsa, adam «sur» tizimge engiziledi – bul kezde qylmystyq is qozǵalyp, tergeý júrgiziledi. Tergeý nátıjesinde adamnyń kinási dáleldense, ol «qara» tizimge ótedi", – dedi agenttik basshysy.
Bul mehanızm adal azamattardy qorǵaýǵa jáne kezdeısoq alaıaqtyq sqemasyna tap bolǵan adamdardyń quqyqtaryn saqtaýǵa baǵyttalǵan.
"Buǵan deıin bizge: “Bizdi aldap osy sqemaǵa qosyp jibergen, kinámiz joq, biraq banktik qyzmetimiz buǵattaldy” dep shaǵymdanǵandar boldy. Jańa tártip adamdarǵa sıtýasıany anyqtap, óz atyna kir keltirmeı, banking-operasıalaryn qaıta qalpyna keltirýge múmkindik beredi", – dedi Ábilqasymova.
Jańa júıe qarjy naryǵynda qaýipsizdikti arttyrýdy jáne halyqty alaıaqtyqtan qorǵaýdy kózdeıdi.