Eldegi jappaı tártipsizdik kezinde qaza tapqan búkil polıseıler men áskerı qyzmetshilerdiń otbasyna páter beriledi
QR Qurylysshylar odaǵy halyq aldyndaǵy áleýmettik jaýapkershiligin sezine otyryp, osyndaı sheshim qabyldady, dep habarlaıdy Almaty-akshamy.kz QazAqparat saıtyna silteme jasap
Odaq elimizdiń árbir azamaty úshin osyndaı aýyr kezeńde Memleket basshysy Qasym-Jomart Toqaevtyń bastamalaryn tolyq qoldaıdy.
Qazaqstan Prezıdentiniń bastamasymen qurylǵan «Qazaqstan halqyna» atty qoǵamdyq qor jáne Qurylysshylar odaǵy birlesip, halyqty terrorlyq shabýyldan qorǵaımyn dep janyn qıǵan polıseıler men áskerı qyzmetshilerdiń otbasylaryna páter kiltin tapsyratyn boldy.
Bul iske odaq atynan Qazaq Stroy, Exclusive Group, Kusto Home, Nest Stroy, Saba Group KZ, Sheber Group, Tau Development, Time Group Hayat Construction, Dıal Stroı, Atrıks Stroı kompanıalary úles qosady. Búgingi tańda Qurylysshylar odaǵy Almatydaǵy zardap shekken nysandardy tazartý jáne qalpyna keltirý isine belsene atsalysyp jatyr.
«Qazaqstanda qalyptasqan qıyn jaǵdaıdy eskere otyryp, otandyq bıznes ókilderin Memleket basshysynyń bastamasyn qoldaýǵa shaqyramyz», - delingen odaq úndeýinde.