Dúnıejúzilik boks qaýymdastyǵy barlyq salmaq dárejesi boıynsha óz reıtıńin jańartty. Bul ózgeristen qazaqstandyq boksshylar da shet qalmady, dep habarlaıdy almaty-akshamy.kz.
Máselen, jartylaı orta salmaqta óner kórsetetin Janqosh Turarov bir satyǵa joǵarylap, altynshy orynǵa turaqtady. Sońǵy jekpe-jegin ol ótken jyldyń jeltoqsan aıynda Almatyda japon boksshysyna qarsy ótkizgen bolatyn. Ol kezde Janqosh tóreshiler sheshimimen jeńiske jetti.
Sýper orta salmaqtaǵy qazaq boksshysy Bek Nurmaǵanbet te pozısıasyn jaqsartyp, onnan toǵyzynshy orynǵa kóterildi. Ol sońǵy jekpe-jegin byltyr qazan aıynda Saýl Alvares – Djermell Charlo kezdesýiniń anderkartynda ótkizgen jáne tehnıkalyq nokaýtpen jeńiske jetken edi.
Asa aýyr salmaqtaǵy Ivan Dychko burynǵysha 15-orynda, alǵashqy jartylaı orta salmaqtaǵy Batyr Júkembaev 11-orynda, al jartylaı jeńil salmaqtaǵy Sultan Zaýyrbek 5-orynda qaldy.