Bul týraly Ulttyq ekonomıka mınıstri Álibek Qýantyrov málim etti, dep habarlaıdy Almaty-akshamy.kz Egemen.kz-ke silteme jasap.
«Óńirlerdegi áleýmettik-ekonomıkalyq kórsetkish ósiminiń qarqynyna toqtalǵym keledi. 2022 jyldyń qorytyndysy boıynsha Abaı oblysyndaǵy óńirlik jalpy ónim kólemi - 2 trln teńgege deıin, Jetisý oblysynda 1,1 trln teńgege deıin artady, al Ulytaý oblysynda óńirlik jalpy ónim - 1,2 trln teńge», - dedi Álibek Qýantyrov Ortalyq komýnıkasıalar qyzmetinde.
Onyń aıtýynsha, 2022 jyly Abaı oblysynyń jeke tabysy 70 mlrd teńgeni, Jetisý oblysynda 58 mlrd teńgeni, Ulytaý oblysynda 48 mlrd teńgeni qamtıdy.
«Aldyn ala jasalǵan esepteýlerge qaraǵanda, jańadan qurylǵan Almaty oblysy aldaǵy ýaqytta respýblıkalyq búdjettiń donory bolýǵa qaýqarly. Sonymen qatar jańadan qurylǵan óńirler boıynsha ónerkásip óndirisiniń kólemi artady. Onyń ishinde Abaı oblysynda 1 trln teńgege deıin, Jetisý oblysynda 275 mlrd teńgege, Ulytaý oblysynda 855 mlrd teńgege artady», - dedi mınıstr.